നിമിഷപ്രിയയുടെ വധശിക്ഷ മാറ്റിവെച്ചു; സ്ഥിരീകരിച്ച് വിദേശകാര്യ മന്ത്രാലയം

ന്യൂഡൽഹി: യെമനിൽ ജയിലിൽ കഴിയുന്ന മലയാളി നഴ്സ് നിമിഷ പ്രിയയുടെ വധശിക്ഷ മാറ്റിവെച്ചു. യെമനിലെ നിമിഷ പ്രിയയുടെ നാളെ നടത്താൻ നിശ്ചയിച്ചിരുന്ന വധശിക്ഷ മാറ്റിവെച്ചതായി അറിയാൻ കഴിഞ്ഞു എന്ന് വിദേശകാര്യ മന്ത്രാലയം അറിയിച്ചു. ഇന്ത്യൻ ഉദ്യോഗസ്ഥർ ജയിൽ അധികൃതരുമായും പ്രോസിക്യൂട്ടറുടെ ഓഫീസുമായും നിരന്തരം ബന്ധപ്പെട്ടിട്ടുണ്ടെന്നും വിദേശകാര്യ മന്ത്രാലയം വ്യക്തമാക്കി.

വധശിക്ഷ ഒഴിവാക്കാൻ കാന്തപുരം എ.പി അബൂബക്കർ മുസ്‌ലിയാരുടെ ഇടപെടലിനെ തുടർന്ന് ഇന്നലെയും ഇന്നും കൊല്ലപ്പെട്ട യുവാവിന്‍റെ കുടുംബവും മറ്റു പ്രമുഖരും പങ്കെടുത്ത യോഗം യെമനിൽ ചേർന്നിരുന്നു. നിമിഷ പ്രിയയുടെ വധശിക്ഷ ഒഴിവാക്കാൻ കാന്തപുരം എ.പി അബൂബക്കർ മുസ്‌ലിയാരുടെ ഇടപെടലിനെ തുടർന്നുണ്ടായ ചർച്ചകൾ എല്ലാ വിധത്തിലും അനുകൂലമായി നീങ്ങുകയാണെന്ന് സുപ്രീംകോടതി അഭിഭാഷകൻ അഡ്വ. സുഭാഷ് ചന്ദ്രൻ ഇന്ന് രാവിലെ അറിയിച്ചിരുന്നു. നാളത്തെ ശിക്ഷ നൽകുന്ന നടപടി താൽക്കാലികമായി നീട്ടിവെക്കുക എങ്കിലും ചെയ്യണം എന്ന കാന്തപുരത്തിന്റെ ആവശ്യം യമൻ ഭരണകൂടം ഇന്ന് പരിഗണിക്കുമെന്നും സുഭാഷ് ചന്ദ്രൻ അറിയിച്ചിരുന്നു. ഇതിനുപിന്നാലെയാണ് നാളെ വധശിക്ഷ നടപ്പിലാക്കാനിരിക്കെ വധശിക്ഷ മാറ്റിവെച്ച നിർണായക വിവരം പുറത്തുവന്നിരിക്കുന്നത്.

പാലക്കാട് കൊല്ലങ്കോട് തേക്കിന്‍ചിറ സ്വദേശിയായ നിമിഷ പ്രിയ, യെമന്റെ തലസ്ഥാനമായ സൻആയിലെ ജയിലിലാണ് ഇപ്പോൾ കഴിയുന്നത്. വധശിക്ഷ ഒഴിവാക്കാനുള്ള നിയമപരമായ വഴികളെല്ലാം അടഞ്ഞതിനാൽ, കൊല്ലപ്പെട്ട യമൻ പൗരന്‍റെ കുടുംബം മാപ്പ് നല്‍കുക മാത്രമാണ് നിമിഷപ്രിയയെ രക്ഷിക്കാനുള്ള ഏകമാര്‍ഗം. ഇതിനായുള്ള ചർച്ചകൾ പുരോഗമിക്കവെയാണ് വധശിക്ഷ മാറ്റിവെച്ചതായ വിവരം പുറത്തുവന്നിരിക്കുന്നത്.

നിമിഷ പ്രിയ യെമനിൽ ജോലി ചെയ്യവെ 2017 ജൂലൈയിലാണ് കേസിനാസ്പദമായ സംഭവം നടന്നത്. യമൻ പൗരനായ അബ്ദുമഹ്ദിയെ 2017 ജൂലായില്‍ നിമിഷ പ്രിയയും കൂട്ടുകാരിയും ചേര്‍ന്ന് കൊലപ്പെടുത്തി മൃതദേഹം വീടിനുമുകളിലെ ജലസംഭരണിയില്‍ ഒളിപ്പിച്ചുവെന്നാണ് കേസ്. ആഗസ്റ്റില്‍ നിമിഷ പ്രിയയെ പോലീസ് അറസ്റ്റ് ചെയ്തു. വിചാരണക്ക് ശേഷം 2018ലാണ് യെമന്‍ കോടതി വധശിക്ഷക്ക് വിധിച്ചത്. വധശിക്ഷ നടപ്പാക്കാന്‍ യെമന്‍ പ്രസിഡന്റ് റഷാദ് അല്‍ അലീമി നേരത്തേ അനുമതി നൽകിയിരുന്നു. തലാലിന്റെ കുടുംബത്തെ നേരില്‍ കണ്ട് മാപ്പപേക്ഷിക്കുന്നതിന് നിമിഷ പ്രിയയുടെ അമ്മ പ്രേമകുമാരി യെമനില്‍ പോയിരുന്നു.

സ​മ​യം നീ​ട്ടി​ക്കി​ട്ടാ​ൻ കൂ​ട്ടാ​യ ശ്ര​മ​മെ​ന്ന് വി​ദേ​ശ മ​ന്ത്രാ​ല​യം

ഹൂ​തി​ക​ളു​ടെ നി​യ​ന്ത്ര​ണ​ത്തി​ലാ​യ യ​മ​നെ ഇ​ന്ത്യ ന​യ​ത​ന്ത്ര​ത​ല​ത്തി​ല്‍ അം​ഗീ​ക​രി​ച്ചി​രു​ന്നി​ല്ല. അ​തി​നാ​ല്‍ സ​ർ​ക്കാ​ർ​ത​ല​ത്തി​ലു​ള്ള ന​യ​ത​ന്ത്ര ഇ​ട​പെ​ട​ല്‍ ഏ​താ​ണ്ട് അ​സാ​ധ്യ​മാ​യി​ത്തീ​ർ​ന്നു. സാ​ധ്യ​മാ​യ​ത് ചെ​യ്തു​വെ​ന്നും ഇ​നി ഇ​ക്കാ​ര്യ​ത്തി​ൽ ത​ങ്ങ​ൾ​ക്ക് ഒ​ന്നും ചെ​യ്യാ​നി​ല്ലെ​ന്നും വി​ദേ​ശ മ​ന്ത്രാ​ല​യം സു​പ്രീം​കോ​ട​തി​യെ ക​ഴി​ഞ്ഞ ദി​വ​സം അ​റി​യി​ച്ചി​രു​ന്നു. യ​മ​നി​ലെ ശൈ​ഖ് മു​ൻ​കൈ എ​ടു​ത്ത് ചി​ല നീ​ക്ക​ങ്ങ​ൾ ന​ട​ത്തു​ന്നു​ണ്ടെ​ന്നും വി​ദേ​ശ മ​ന്ത്രാ​ല​യം അ​റ്റോ​ണി ജ​ന​റ​ൽ മു​ഖേ​ന ബോ​ധി​പ്പി​ച്ചു.

വ​ധ​ശി​ക്ഷ മാ​റ്റി​വെ​ച്ച​ത് ചൊ​വ്വാ​ഴ്ച സ്ഥി​രീ​ക​രി​ച്ച വി​ദേ​ശ മ​ന്ത്രാ​ല​യ വൃ​ത്ത​ങ്ങ​ൾ, തു​ട​ക്കം മു​ത​ൽ വി​ഷ​യ​ത്തി​ൽ സാ​ധ്യ​മാ​യ എ​ല്ലാ സ​ഹാ​യ​ങ്ങ​ളും ചെ​യ്തു​വ​രു​ന്നു​ണ്ടെ​ന്ന് പ​റ​ഞ്ഞു. ഇ​രു കൂ​ട്ട​ർ​ക്കു​മി​ട​യി​ൽ ര​മ്യ​മാ​യ ഒ​ത്തു​തീ​ർ​പ്പി​ന് കൂ​ടു​ത​ൽ സ​മ​യം അ​നു​വ​ദി​ച്ചു​കി​ട്ടാ​ൻ കൂ​ട്ടാ​യ ശ്ര​മ​ങ്ങ​ൾ ന​ട​ത്തി​യെ​ന്നും മ​ന്ത്രാ​ല​യം തു​ട​ർ​ന്നു. വി​ഷ​യം വൈ​കാ​രി​ക​മാ​ണെ​ന്ന് അ​റി​ഞ്ഞു​കൊ​ണ്ടു​ത​ന്നെ വ​ധ​ശി​ക്ഷ നീ​ട്ടി​വെ​ക്കാ​നാ​യി യ​മ​നി​ലെ പ്രാ​ദേ​ശി​ക ഭ​ര​ണ​കൂ​ട​വു​മാ​യും പ്രോ​സി​ക്യൂ​ട്ട​റു​ടെ ഓ​ഫി​സു​മാ​യും നി​ര​ന്ത​ര സ​മ്പ​ർ​ക്ക​ത്തി​ലാ​യി​രു​ന്നു​വെ​ന്നും മ​​ന്ത്രാ​ല​യം കൂ​ട്ടി​ച്ചേ​ർ​ത്തു.

വ​ഴി​മു​ട്ടി​യ ഘ​ട്ട​ത്തി​ൽ വ​ഴി തു​റ​ന്ന് കാ​ന്ത​പു​രം

നി​മി​ഷ​പ്രി​യ​യു​ടെ വ​ധ​ശി​ക്ഷ മേ​ൽ​കോ​ട​തി ശ​രി​വെ​ച്ച​തു മു​ത​ൽ ആ​ക്ഷ​ന്‍ ക​മ്മി​റ്റി രൂ​പ​വ​ത്ക​രി​ച്ചും യ​മ​നി​ലു​ള്ള അ​ഡ്വ. സാ​മു​വ​ല്‍ ജെ​റോം വ​ഴി​യും നീ​ക്ക​ങ്ങ​ൾ ന​ട​ത്തി​യി​രു​ന്നു. കേ​ന്ദ്ര വി​ദേ​ശ​കാ​ര്യ മ​ന്ത്രാ​ല​യ​വും ഈ ​ദി​ശ​യി​ൽ നീ​ക്ക​ങ്ങ​ൾ ന​ട​ത്തി. ഇ​തി​നാ​യി നി​മി​ഷ​പ്രി​യ​യു​ടെ അ​മ്മ പ്രേ​മ​കു​മാ​രി​യെ യ​മ​നി​ലെ​ത്തി​ച്ചി​ട്ടും സ​ൻ​ആ​യി​ലെ ജ​യി​ലി​ൽ എ​ത്തി അ​വ​ർ മ​ക​ളെ ക​ണ്ടി​ട്ടും മോ​ച​ന​ത്തി​നു​ള്ള വ​ഴി തെ​ളി​ഞ്ഞി​ല്ല. വ​ധ​ശി​ക്ഷ വി​ധി​ച്ച​തു മു​ത​ൽ ത​ലാ​ലി​ന്റെ കു​ടും​ബ​ത്തെ ബ​ന്ധ​പ്പെ​ടാ​ന്‍ ക​ഴി​ഞ്ഞി​രു​ന്നി​ല്ല.

ഒ​രു ത​ര​ത്തി​ലു​ള്ള ഒ​ത്തു​തീ​ര്‍പ്പി​നും മു​ഖം കൊ​ടു​ക്ക​ലി​നും കു​ടും​ബം ത​യാ​റാ​യി​രു​ന്നി​ല്ല. ത​ലാ​ലി​ന്റെ അ​തി​ക്രൂ​ര​മാ​യ കൊ​ല​പാ​ത​കം കു​ടും​ബ​വും ഗോ​ത്ര​വു​മെ​ല്ലാം അ​ത്യ​ന്തം വൈ​കാ​രി​ക പ്ര​ശ്ന​മാ​യെ​ടു​ത്ത​തോ​ടെ ദി​യാ​ധ​ന ച​ര്‍ച്ച​ക​ളെ​ല്ലാം വ​ഴി​മു​ട്ടി. ഈ ​ഘ​ട്ട​ത്തി​ലാ​യി​രു​ന്നു കാ​ന്ത​പു​ര​ത്തി​ന്റെ ഇ​ട​പെ​ട​ൽ. പു​തു​പ്പ​ള്ളി എം.​എ​ല്‍.​എ ചാ​ണ്ടി ഉ​മ്മ​ന്‍ അ​ഭ്യ​ര്‍ഥി​ച്ച​തി​നെ തു​ട​ർ​ന്നാ​ണ് കേ​സി​ല്‍ ഇ​ട​പെ​ട്ട​തെ​ന്നും ഇ​ക്കാ​ര്യം പ്ര​ധാ​ന​മ​ന്ത്രി​യു​ടെ ഓ​ഫി​സി​നെ അ​റി​യി​ച്ചി​രു​ന്നു​വെ​ന്നും കാ​ന്ത​പു​രം പ​റ​ഞ്ഞു.