ജീൻസ്​ ധരിച്ച്​ കതിർമണ്ഡപത്തിലെത്തുന്നവളെ ആരും വിവാഹം കഴിക്കില്ലെന്ന്​ മ​ന്ത്രി

ഗോരഖ്​പൂർ: ജീൻസ്​ ധരിച്ച്​ കല്ല്യാണമണ്ഡപത്തിലെത്തുന്ന പെൺകുട്ടിയെ വിവാഹം കഴിക്കാൻ യുവാക്കളാരും തയാറാകില്ലെന്ന കേന്ദ്രസഹമന്ത്രിയുടെ പ്രസ്​താവന വിവാദത്തിൽ. ഞായറാഴ്​ച ഗോരഖ്​പൂർ ക്ഷേത്രത്തിൽ നടന്ന മഹാറാണാ പ്രതാപ്​ ശിക്ഷ പരിഷത്തി​​​െൻറ സ്ഥാപന ദിനചടങ്ങിൽ സംസാരിക്കവെയാണ്​ മാനവവികസന സഹമന്ത്രി സത്യപാൽ സിങ്ങി​​​െൻറ വിവാദ ജീൻസ്​ പ്രസ്​താവന. 

‘‘വിവാഹമണ്ഡപത്തിലേക്ക്​ ജീൻസ്​ ധരിച്ച്​ വരുന്ന പെൺകുട്ടിയെ ആരും വിവാഹം കഴിക്കി​ല്ല. അതുപോലെ സന്ന്യസിമാർ പരമ്പരാഗത വസ്​ത്രധാരണത്തിൽ നിന്നും മാറി ജീൻസ്​ ധരിച്ചെത്തിയാലും ആരും ബഹുമാനിക്കില്ല’’^ സത്യപാൽ സിങ്​ പറഞ്ഞു. ഇന്ത്യൻ സംസ്​കാരത്തിലെ വസ്​ത്രധാരണത്തെ കുറിച്ച്​ സംസാരിക്കുകയായിരുന്നു അദ്ദേഹം. ചടങ്ങിൽ ഉത്തർപ്രദേശ്​ മുഖ്യമന്ത്രി യോഗി ആദിത്യനാഥ്​ രചിച്ച രണ്ട്​ പുസ്​തകങ്ങളുടെ പ്രകാശനവും നടന്നു.  

വിദ്യാർഥികൾ പ​െങ്കടുത്ത ചടങ്ങിൽ പരാമ്പരാഗത വസ്​ത്രധാരണത്തെ പൊലിപ്പിച്ചും പെൺകുട്ടികൾ ജീൻസ്​ പാൻറ്​സ്​ ധരിക്കുന്നതിനെതിരായുമുള്ള മന്ത്രിയുടെ പ്രസ്​താവന​യെ പ്രതിപക്ഷ നേതാക്കൾ രൂക്ഷമായി വിമർശിച്ചു.