ഓപറേഷൻ സിന്ദൂർ; റെയിൽവേ ഇ-ടിക്കറ്റിലെ പരസ്യത്തിനെതിരെ കോൺഗ്രസ്

ന്യൂ​ഡ​ൽ​ഹി: ഓ​പ​റേ​ഷ​ൻ സി​ന്ദൂ​റി​ന് പി​ന്നാ​ലെ ഇ​ന്ത്യ​ൻ​ സൈ​ന്യം പു​റ​ത്തി​റ​ക്കി​യ ലോ​ഗോ​​യും പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യു​ടെ ചി​ത്ര​വും ഒ​രു​മി​ച്ച് ന​ൽ​കി​യു​ള്ള റെ​യി​ൽ​വേ ഓ​ൺ​ലൈ​ൻ ടി​ക്ക​റ്റി​ലെ പോ​സ്റ്റ​റി​നെ​തി​രെ കോ​ൺ​ഗ്ര​സ്. ബി​ഹാ​ർ നി​യ​മ​സ​ഭ തെ​ര​ഞ്ഞെ​ടു​പ്പി​ന് മു​ന്നോ​ടി​യാ​യി ബി.​ജെ.​പി സ​ർ​ക്കാ​ർ സൈ​നി​ക ന​ട​പ​ടി രാ​ഷ്ട്രീ​യ നേ​ട്ട​ങ്ങ​ൾ​ക്കാ​യി ഉ​പ​യോ​ഗി​ക്കു​ക​യാ​ണെ​ന്ന് കോ​ൺ​ഗ്ര​സ് ആ​രോ​പി​ച്ചു.

കോ​ൺ​ഗ്ര​സ് നേ​താ​വും മു​ൻ മ​ധ്യ​പ്ര​ദേ​ശ് മു​ഖ്യ​മ​ന്ത്രി​യു​മാ​യ ക​മ​ൽ​നാ​ഥി​ന്റെ മാ​ധ്യ​മ ഉ​പ​ദേ​ഷ്ടാ​വ് പി​യൂ​ഷ് ബാ​ബെ​ല​യാ​ണ് റെ​യി​ൽ​വേ ഇ-​ടി​ക്ക​റ്റി​ൽ ഓ​പ​റേ​ഷ​ൻ സി​ന്ദൂ​റി​ന്റെ ലോ​ഗോ​യും മോ​ദി​യു​ടെ ചി​ത്ര​വും ഉ​ൾ​പ്പെ​ടു​ത്തി​യു​ള്ള പ​ര​സ്യ​ത്തി​നെ​തി​രെ ആ​ദ്യം രം​ഗ​ത്തു​വ​ന്ന​ത്.

സൈ​ന്യ​ത്തി​ന്റെ വീ​ര്യം​പോ​ലും അ​വ​ർ ഒ​രു ഉ​ൽ​പ​ന്നം​പോ​ലെ വി​ൽ​ക്കു​ക​യാ​ണെ​ന്ന് റെ​യി​ൽ​വേ ടി​ക്ക​റ്റി​ന്റെ ചി​ത്രം പ​ങ്കു​വെ​ച്ച് പി​യൂ​ഷ് ബാ​ബെ​ലെ എ​ക്സി​ൽ കു​റി​ച്ചു. ഇ​ത് ദേ​ശ​സ്‌​നേ​ഹ​മ​ല്ല; മ​റി​ച്ച്, വി​ല​പേ​ശ​ലാ​ണ്. ഇ​ന്ത്യ പ​ര​മ്പ​രാ​ഗ​ത​മാ​യി സാ​യു​ധ സേ​ന​യെ രാ​ഷ്ട്രീ​യ​വ​ത്ക​രി​ക്കു​ന്ന​തി​ൽ​നി​ന്ന് വി​ട്ടു​നി​ൽ​ക്കാ​റാ​ണു​ള്ള​ത്. ഇ​പ്പോ​ൾ റെ​യി​ൽ​വേ ടി​ക്ക​റ്റു​ക​ൾ മോ​ദി​യു​ടെ ചി​ത്ര​വും പ്ര​സ്താ​വ​ന​യും ഉ​ൾ​ക്കൊ​ള്ളു​ന്ന പ്ര​ചാ​ര​ണ ഉ​പ​ക​ര​ണ​മാ​യി മാ​റി. ബി​ഹാ​ർ തെ​ര​ഞ്ഞെ​ടു​പ്പി​ൽ രാ​ഷ്ട്രീ​യ നേ​ട്ട​ത്തി​നാ​യി സൈ​ന്യ​ത്തെ ഉ​പ​യോ​ഗി​ക്കു​ന്ന​തി​ന്റെ ന​ഗ്ന​മാ​യ ഉ​ദാ​ഹ​ര​ണ​മാ​ണി​തെ​നും അ​ദ്ദേ​ഹം ചൂ​ണ്ടി​ക്കാ​ട്ടി. യു​ദ്ധ​ത്തെ​യും ര​ക്ത​സാ​ക്ഷി​ത്വ​ത്തെ​യും അ​വ​സ​ര​ങ്ങ​ളാ​യാ​ണ് പ്ര​ധാ​ന​മ​ന്ത്രി ന​രേ​ന്ദ്ര മോ​ദി കാ​ണു​ന്ന​തെ​ന്ന് മു​ൻ എം.​പി ഡാ​നി​ഷ് അ​ലി കു​റ്റ​പ്പെ​ടു​ത്തി. കോ​വി​ഡ് വാ​ക്സി​ൻ സ്വീ​ക​രി​ച്ച​വ​ർ​ക്ക് മോ​ദി​യു​ടെ ചി​ത്ര​മു​ള്ള സ​ർ​ട്ടി​ഫി​ക്ക​റ്റ് ന​ൽ​കി​യ​ത് നേ​ര​ത്തേ വി​വാ​ദ​മാ​യി​രു​ന്നു.