കളി നിയമം മാറ്റി ഇന്ത്യ; എ​ന്തൊ​ക്കെ സം​ഭ​വി​ച്ചാ​ലും സി​ന്ധു ജ​ല ക​രാ​റി​ൽ ഇ​ന്ത്യ തൊ​ടി​ല്ലെ​ന്ന പാക് ധാ​ര​ണ മാറി

ന്യൂ​ഡ​ൽ​ഹി: സി​ന്ധു ന​ദീ​ജ​ല ക​രാ​റി​ൽ​നി​ന്ന് വി​ട്ടു​നി​ൽ​ക്കാ​നു​ള്ള തീ​ര​ു​മാ​ന​ത്തി​ലൂ​ടെ പാ​കി​സ്താ​നു​ള്ള തി​രി​ച്ച​ടി​യി​ൽ ക​ളി നി​യ​മം മാ​റ്റി ഇ​ന്ത്യ. പാ​കി​സ്താ​നു​മാ​യു​ള്ള ബ​ന്ധം മു​റി​ച്ചു​മാ​റ്റു​ന്ന​തി​ന്റെ ആ​ദ്യ​പ​ടി​യാ​യി കൈ​ക്കൊ​ണ്ട സി​ന്ധു ന​ദീ​ജ​ല ക​രാ​ർ താ​ൽ​ക്കാ​ലി​ക​മാ​യി നി​ർ​ത്തി​വെ​ക്കാ​നു​ള്ള തീ​രു​മാ​നം ഇ​ന്ത്യ​യു​ടെ ജ​ല​യു​ദ്ധ​മാ​യി പാ​കി​സ്താ​ൻ വി​ശേ​ഷി​പ്പി​ച്ച​ത് അ​തു​കൊ​ണ്ടാ​ണ്.

പാ​കി​സ്താ​ന്റെ സ​മ്പ​ദ്ഘ​ട​ന​യു​ടെ അ​ടി​ത്ത​റ ത​ക​ർ​ക്കാ​ൻ ല​ക്ഷ്യ​മി​ട്ടു​ള്ള​താ​ണ് സി​ന്ധു ന​ദി​യി​ലൂ​ടെ പാ​കി​സ്താ​നി​ലേ​ക്ക് എ​ത്തേ​ണ്ട വെ​ള്ളം ത​ട​ഞ്ഞു​ള്ള ന​ട​പ​ടി​യെ​ന്ന് വി​ദേ​ശ മ​ന്ത്രാ​ല​യ വൃ​ത്ത​ങ്ങ​ൾ ‘മാ​ധ്യ​മ’​ത്തോ​ടു പ​റ​ഞ്ഞു. ഇ​ത് ഹ്ര​സ്വ​കാ​ല​ത്തേ​ക്കു​ള്ള തി​രി​ച്ച​ടി​യ​ല്ല, ദീ​ർ​ഘ​കാ​ല​ത്തേ​ക്കു​ള്ള​താ​ണ്. എ​ന്തൊ​ക്കെ സം​ഭ​വി​ച്ചാ​ലും സി​ന്ധു ജ​ല ക​രാ​റി​ൽ ഇ​ന്ത്യ തൊ​ടി​ല്ലെ​ന്ന ഒ​രു ധാ​ര​ണ ഏ​റെ​ക്കാ​ല​മാ​യി പാ​കി​സ്താ​നു​ണ്ടാ​യി​രു​ന്നു. 1965ലെ​യും 1971ലെ​യും യു​ദ്ധ​ങ്ങ​ളും കാ​ർ​ഗി​ൽ, മും​ബൈ ആ​ക്ര​മ​ണ​വു​മൊ​ന്നും ജ​ല ക​രാ​റി​നെ ബാ​ധി​ച്ചി​രു​ന്നി​ല്ല.

ഇ​ന്ത്യ ഒ​രി​ക്ക​ലും പു​നഃ​പ​രി​ശോ​ധി​ക്കാ​ത്ത വി​ശു​ദ്ധ ക​രാ​റാ​യി​ട്ടാ​യി​രു​ന്നു ഇ​തി​നെ ക​ണ്ടി​രു​ന്ന​ത്. ആ ​ധാ​ര​ണ​യാ​ണ് ഇ​പ്പോ​ൾ തി​രു​ത്തി​യ​ത്. ഇ​നി ഈ ​ക​രാ​റി​ന്റെ ഭാ​ഗ​മാ​യി​രി​ക്കാ​ൻ ഇ​ന്ത്യ ആ​ഗ്ര​ഹി​ക്കു​ന്നി​ല്ല.

പി​ൻ​വാ​ങ്ങാ​നാ​കാ​ത്ത ക​രാ​ർ; താ​ൽ​ക്കാ​ലി​ക​മാ​യ നി​ർ​ത്ത​ൽ

ഇ​രു രാ​ജ്യ​ങ്ങ​ൾ​ക്കും പി​ൻ​വാ​ങ്ങാ​നാ​വാ​ത്ത​താ​ണ് സി​ന്ധു ന​ദീ​ജ​ല ക​രാ​ർ. ഒ​രു കാ​ര​ണ​വ​ശാ​ലും ക​രാ​റി​ൽ​നി​ന്ന് പി​ൻ​വാ​ങ്ങ​രു​തെ​ന്ന ക​ർ​ശ​ന​മാ​യ വ്യ​വ​സ്ഥ ഇ​രു രാ​ജ്യ​ങ്ങ​ളും 1961ൽ ​അം​ഗീ​ക​രി​ച്ച​താ​ണ്. അ​തി​നാ​ൽ ‘പി​ൻ​വാ​ങ്ങ​ൽ’ എ​ന്ന വാ​ക്ക് ഉ​പ​യോ​ഗി​ക്കാ​തെ താ​ൽ​ക്കാ​ലി​ക​മാ​യ നി​ർ​ത്തി​വെ​ക്ക​ൽ ആ​ണ് ചെ​യ്യു​ന്ന​ത് എ​ന്ന സാ​​​ങ്കേ​തി​ക​മാ​യ വാ​ദ​മാ​ണ് ഇ​ന്ത്യ മു​ന്നോ​ട്ടു​വെ​ച്ചി​രി​ക്കു​ന്ന​ത്. ക​രാ​റി​ൽ​നി​ന്ന് പി​ൻ​വാ​ങ്ങ​ൽ പാ​ടി​​​ല്ല എ​ന്ന​ത് താ​ൽ​ക്കാ​ലി​ക​മാ​യി ക​രാ​റി​ന്റെ ഭാ​ഗ​മാ​കു​ന്നി​ല്ല എ​ന്ന് പ​റ​യാ​ൻ ത​ട​സ്സ​മ​ല്ല എ​ന്നാ​ണ് ഇ​ന്ത്യ​യു​ടെ സാ​​ങ്കേ​തി​ക​മാ​യ ഈ ​വാ​ദം. ക​രാ​റി​നൊ​ന്നും സം​ഭ​വി​ച്ചി​ട്ടി​ല്ല. അ​ത് റ​ദ്ദാ​ക്കി​യി​ട്ടി​ല്ല. അ​ത​വി​ടെ​ത്ത​ന്നെ​യു​ണ്ട്. പി​ൻ​വാ​ങ്ങ​രു​ത് എ​ന്നാ​ണ് ക​രാ​റി​ലു​ള്ള​ത്. താ​ൽ​ക്കാ​ലി​ക​മാ​യി ക​രാ​ർ ന​ട​പ്പാ​ക്ക​രു​ത് എ​ന്നി​ല്ല എ​ന്നാ​ണ് ഇ​ന്ത്യ​യു​ടെ വാ​ദം.

നെ​ഹ്റു​വും അ​യ്യൂ​ബ് ഖാ​നും ഒ​പ്പി​ട്ട ക​രാ​ർ

മു​ൻ പ്ര​ധാ​ന​മ​ന്ത്രി ജ​വ​ഹ​ർ​ലാ​ൽ നെ​ഹ്റു​വും പാ​കി​സ്താ​ൻ പ്ര​സി​ഡ​ന്റ് ഫീ​ൽ​ഡ് മാ​ർ​ഷ​ൽ മു​ഹ​മ്മ​ദ് അ​യ്യൂ​ബ് ഖാ​നും ത​മ്മി​ൽ ഒ​പ്പി​ട്ട ക​രാ​ർ പ്ര​കാ​രം സ​ത്‍ല​ജ്, ബി​യ​സ്, ര​വി എ​ന്നീ കി​ഴ​ക്ക​ൻ ന​ദി​ക​ളി​ലെ വെ​ള്ളം ഇ​ന്ത്യ​ക്കും സി​ന്ധു, ഝ​ലം, ചെ​നാ​ബ് എ​ന്നീ പ​ടി​ഞ്ഞാ​റ​ൻ ന​ദി​ക​ളി​ൽ​നി​ന്നു​ള്ള വെ​ള്ള​ത്തി​ൽ​നി​ന്ന് ഒ​രു പ​ങ്ക് പാ​കി​സ്താ​നും ഉ​പ​യോ​ഗി​ക്കാം. പ​ടി​ഞ്ഞാ​റ​ൻ ന​ദി​ക​ളി​ൽ ജ​ല​വൈ​ദ്യു​തി പ​ദ്ധ​തി​ക​ൾ ഉ​ണ്ടാ​ക്കാ​ൻ ഇ​ന്ത്യ​ക്ക് അ​ന​ു​മ​തി ന​ൽ​കു​ന്ന ക​രാ​ർ ഇ​ത്ത​രം പ​ദ്ധ​തി​ക​ളു​ടെ രൂ​പ​ക​ൽ​പ​ന​യു​മാ​യി ബ​ന്ധ​പ്പെ​ട്ട എ​തി​ർ​പ്പു​ക​ൾ ഉ​ന്ന​യി​ക്കാ​ൻ പാ​കി​സ്താ​ന് അ​വ​കാ​ശം ന​ൽ​കു​ന്നു​ണ്ട്. ക​രാ​റി​ന്റെ ഭാ​ഗ​മാ​യി ഇ​രു രാ​ജ്യ​ങ്ങ​ളു​ടെ​യും ക​മീ​ഷ​ണ​ർ​മാ​ർ ചു​രു​ങ്ങി​യ​ത് വ​ർ​ഷ​ത്തി​ലൊ​രി​ക്ക​ൽ യോ​ഗം ചേ​ര​ണം. ക​രാ​റി​ലെ വ്യ​വ​സ്ഥ​ക​ൾ ഇ​രു രാ​ജ്യ​ങ്ങ​ൾ​ക്കും സം​യു​ക്ത​മാ​യി മാ​റ്റാ​വു​ന്ന​താ​ണ്.