അന്യമതസ്​ഥരെ വിവാഹം ചെയ്​ത പാഴ്​സി സ്​ത്രീകൾക്ക്​ ആരാധനാലയത്തിൽ പ്രവേശിക്കാം

ന്യൂഡൽഹി: അന്യ മതസ്​ഥരെ വിവാഹം ചെയ്​താലും പാഴ്​സി സ്​ത്രീകൾക്ക്​ ഇനി സൊറാസ്​ട്രിയൻ ആരാധനാലയത്തിൽ പ്രവേശിക്കാമെന്ന്​ പാഴ്​സി അഞ്ചുമൻ ട്രസ്​റ്റ്​ സുപ്രീംകോടതി​യിൽ അറിയിച്ചു. ഹിന്ദു വിശ്വാസിയെ വിവാഹം ചെയ്​ത ഗൂൽറോഖ്​ എം.ഗുപ്​ത ആരാധനാലയത്തിൽ പ്രവേശനം അനുവദിക്കണമെന്ന്​ ആവശ്യപ്പെട്ട്​ നൽകിയ ഹരജിയിലാണ്​ തീരുമാനം. 

ട്രസ്​റ്റിനു വേണ്ടി ഹാജരായ മുതിർന്ന അഭിഭാഷകൻ ഗോപാൽ സുബ്രഹ്​മണ്യമാണ്​ വിവരം കോടതിയെ ധരിപ്പിച്ചത്​. ട്രസ്​റ്റിനു കീഴിലുള്ള ​ആരാധനാലയങ്ങളിൽ പ്രാർഥിക്കുന്നതിൽ സ്​ത്രീകളെ വിലക്കില്ല. ഗൂൽറോഖി​​െൻറ 80 കാരായ മാതാപിതാക്കൾ മരിക്കു​േമ്പാൾ സംസ്​കാര ചടങ്ങിൽ പ​െങ്കടുക്കാൻ അനുവദിക്കാമെന്നും ട്രസ്​റ്റ്​ കോടതി​െയ അറിയിച്ചു. ശ്​മശാനത്തിൽ നടക്കുന്ന സംസ്​കാര ചടങ്ങുകളിൽ പ​െങ്കടുക്കുന്നതുമായി ബന്ധപ്പെട്ട വിഷയം ജനുവരി 17 ന്​ പരിഗണിക്കുമെന്ന്​ കോടതി അറിയിച്ചു.  

അന്യമതസ്​ഥരെ വിവാഹം കഴിച്ച പാഴ്​സി സ്​ത്രീകൾ സൊറാസ്​ട്രിയൻ  ആരാധനാലയത്തിൽ കയറരുതെന്ന ട്രസ്​റ്റി​​െൻറ തീരുമാനത്തെ അംഗീകരിച്ച ഗുജറാത്ത്​ ഹൈകോടതി വിധിക്കെതിരെയായിരുന്നു ഗൂൽറോഖ്​ സുപ്രീം കോടതി​െയ സമീപിച്ചത്​. അന്യമതസ്​ഥനെ വിവാഹം ചെയ്​തത്​ സ്​​െപഷ്യൽ മാരേജ്​ ആക്​ട്​ പ്രകാരമാണെങ്കിലും സ്വന്തം മതത്തെ നിഷേധിക്കലാണെന്ന്​ നിരീക്ഷിച്ചു​െകാണ്ടായിരുന്നു ഹൈകോടതി വിധി. എന്നാൽ അന്യമതസ്​ഥനെ വിവാഹം ചെയ്​തുവെന്നത്​ ഒരു വ്യക്​തിയു​െട മതസ്വാതന്ത്ര്യത്തെ ഹനിക്കുന്നത​െല്ലന്ന്​ സുപ്രീം കോടതി നിരീക്ഷിച്ചു.