പ്രാഥമിക കാർഷികസംഘങ്ങളെ വിവിധോദ്ദേശ്യ സ്ഥാപനങ്ങളാക്കുമെന്ന് അമിത് ഷാ

അം​റേ​ലി: രാ​ജ്യ​ത്തെ പ്രാ​ഥ​മി​ക കാ​ർ​ഷി​ക സ​ഹ​ക​ര​ണ സം​ഘ​ങ്ങ​ളെ (പി.​എ.​സി.​എ​സ്) വി​വി​ധോ​ദ്ദേ​ശ്യ സ്ഥാ​പ​ന​ങ്ങ​ളാ​ക്കി മാ​റ്റു​മെ​ന്നും ഇ​തി​നു​ള്ള മാ​തൃ​ക​ച​ട്ട​ങ്ങ​ൾ ത​യാ​റാ​യി​ക്ക​ഴി​ഞ്ഞെ​ന്നും കേ​ന്ദ്ര ആ​ഭ്യ​ന്ത​ര-​സ​ഹ​ക​ര​ണ മ​ന്ത്രി അ​മി​ത് ഷാ. ​കൂ​ടാ​തെ, വി​ത്തു​ൽ​പാ​ദ​നം, വി​പ​ണ​നം, ജൈ​വ ഉ​ൽ​പ​ന്ന​ങ്ങ​ളു​ടെ സ​ർ​ട്ടി​ഫി​ക്കേ​ഷ​ൻ എ​ന്നി​വ​ക്കാ​യി അ​ന്ത​ർ​സം​സ്ഥാ​ന ത​ല​ത്തി​ൽ സ​ഹ​ക​ര​ണ സൊ​സൈ​റ്റി രൂ​പ​വ​ത്ക​രി​ക്കു​മെ​ന്നും ഗു​ജ​റാ​ത്തി​ലെ അം​റേ​ലി​യി​ൽ സ​ഹ​ക​ര​ണ​സം​ഘ സ​മ്മേ​ള​ന​ത്തി​ൽ ഷാ ​വ്യ​ക്ത​മാ​ക്കി.

''സേ​വ സ​ഹ​കാ​രി മ​ണ്ഡ​ലി​ക​ളെ (പി.​എ.​സി.​എ​സ്) വി​പ​ണ​നം, സം​ഭ​ര​ണ​കേ​ന്ദ്രം, ചാ​ണ​ക​ത്തി​ൽ​നി​ന്ന് വാ​ത​ക ഇ​ന്ധ​നം നി​ർ​മി​ക്ക​ൽ, വൈ​ദ്യു​തി ബി​ൽ അ​ട​ക്ക​ൽ, പാ​ച​ക​വാ​ത​ക വി​ത​ര​ണ ഏ​ജ​ൻ​സി തു​ട​ങ്ങി​യ ആ​വ​ശ്യ​ങ്ങ​ൾ നി​ർ​വ​ഹി​ക്കു​ന്ന വി​വി​ധോ​ദ്ദേ​ശ്യ സം​ഘ​ങ്ങ​ളാ​യാ​ണ് പ​രി​വ​ർ​ത്തി​പ്പി​ക്കു​ക.

ഇ​തി​നു​ള്ള മാ​തൃ​ക​ച​ട്ടം രൂ​പ​പ്പെ​ടു​ത്തി​യി​ട്ടു​ണ്ട്. ഇ​ത് സെ​പ്റ്റം​ബ​ർ അ​വ​സാ​ന​ത്തോ​ടെ പു​റ​ത്തി​റ​ക്കും. രാ​ജ്യ​ത്തെ പി.​എ.​സി.​എ​സ് സ്ഥാ​പ​ന​ങ്ങ​ൾ ലാ​ഭ​മു​ണ്ടാ​ക്കു​ന്ന​വ​യാ​കും'' -മ​ന്ത്രി വി​ശ​ദീ​ക​രി​ച്ചു. രാ​ജ്യ​ത്തെ 65,000 പി.​എ.​സി.​എ​സ് എ​ന്ന​ത് അ​ടു​ത്ത അ​ഞ്ചു​വ​ർ​ഷ​ത്തി​നു​ള്ളി​ൽ മൂ​ന്നു​ല​ക്ഷ​മാ​ക്കി വ​ർ​ധി​പ്പി​ക്കു​മെ​ന്നു​പ​റ​ഞ്ഞ അ​മി​ത് ഷാ, ​ഓ​രോ പ​ഞ്ചാ​യ​ത്തി​ലും ഓ​രോ പി.​എ.​സി.​എ​സ് എ​ന്ന ല​ക്ഷ്യ​ത്തി​ലെ​ത്തു​മെ​ന്നും വ്യ​ക്ത​മാ​ക്കി.

ആ​രോ​ഗ്യം, ഇ​ൻ​ഷു​റ​ൻ​സ്, ഗ​താ​ഗ​തം, ടൂ​റി​സം മേ​ഖ​ല​ക​ളെ​ക്കൂ​ടി ഉ​ൾ​ക്കൊ​ള്ളു​ന്ന ത​ര​ത്തി​ൽ പു​തി​യ സ​ഹ​ക​ര​ണ​ന​യം രൂ​പ​വ​ത്ക​രി​ക്കാ​ൻ സ​ർ​ക്കാ​ർ ശ്ര​മം തു​ട​ങ്ങി​യി​ട്ടു​ണ്ട്. ലോ​ക​വി​പ​ണി​യി​ൽ ഇ​ന്ത്യ​ൻ ക​ർ​ഷ​ക​രു​ടെ ഉ​ൽ​പ​ന്ന​ങ്ങ​ൾ എ​ത്തി​ക്കാ​ൻ അ​ന്ത​ർ​സം​സ്ഥാ​ന സ​ഹ​ക​ര​ണ ക​യ​റ്റു​മ​തി കേ​ന്ദ്രം സ്ഥാ​പി​ക്കും -അ​മി​ത് ഷാ ​കൂ​ട്ടി​ച്ചേ​ർ​ത്തു.