തടവുകാരുടെ പരോൾ കാലാവധി പഞ്ചാബ് സർക്കാർ 16 ആഴ്ചത്തേക്ക് നീട്ടി

ചണ്ഡിഗഡ്: കോവിഡിന്‍റെ പശ്ചാത്തലത്തിൽ ജയിൽ മോചിതരായ തടവുകാരുടെ പരോൾ കാലാവധി പഞ്ചാബ് സർക്കാർ നീട്ടി. പരോൾ കാലാവധി 16 ആഴ്ചത്തേക്ക് നീട്ടാനാണ് ഇന്ന് ചേർന്ന മന്ത്രിസഭാ യോഗം തീരുമാനിച്ചത്. 

പരോൾ കാലാവധി നീട്ടുന്നത് സംബന്ധിച്ച് 1962ലെ പഞ്ചാബ് ഗുഡ് കോൺടാക്ട് പ്രിസനേഴ്സസ് നിയമത്തിൽ സംസ്ഥാന സർക്കാർ ആവശ്യമായ ഭേദഗതി കൊണ്ടുവരും. 

വൈറസ് ബാധയുടെ സാഹചര്യത്തിൽ ഏഴു വർഷമോ അതിൽ താഴെയോ ശിക്ഷ ലഭിച്ച തടവുകാർക്കാണ് പരോളിന് അർഹതയുള്ളത്.