‘ഉത്തര​പേപ്പറിൽ 100 രൂപ വെക്കണം’; യു.പിയിൽ​ കോപ്പിയടിക്കാൻ നിർദേശിച്ച സ്​കൂൾ പ്രിൻസിപ്പൽ അറസ്റ്റിൽ

ലഖ്​നോ: വിദ്യാർഥികളോട്​ ബോർഡ്​ പരീക്ഷയിൽ കോപ്പിയടിക്കാൻ നിർദേശം നൽകിയ പ്രിൻസിപ്പൽ അറസ്റ്റിൽ. ഉത്തർപ്രദ േശിലെ മൗ ജില്ലയിലുള്ള സ്വകാര്യ സ്ഥാപനമായ ഹരിവംശ് മെമ്മോറിയല്‍ ഇൻറര്‍ കോളേജിലെ പ്രിൻസിപ്പൽ പ്രവീൻ മാലാണ്​ സെ ക്കൻഡറി ബോർഡ്​ പരീക്ഷയിൽ കോപ്പിയടിക്കാൻ നിർദേശിച്ചതി​​​​െൻറ പേരിൽ​ അറസ്റ്റിലായത്​. വിദ്യാർഥികളുടെയും രക് ഷിതാക്കളുടെയും യോഗം വിളിച്ചുചേർത്ത്​ പരസ്യമായാണ്​ പ്രവീൺ മാൽ സംസാരിക്കുന്നത്​. ഇത്​ ഒരു വിദ്യാർഥി പകർത്തുക യും വൈകാതെ സമൂഹ മാധ്യമങ്ങളിൽ പ്രചരിക്കുകയുമായിരുന്നു.

സംസ്ഥാന സർക്കാർ നടപ്പിലാക്കിയ കർശന നിയന്ത്രണങ്ങൾ പരീക്ഷയിൽ എങ്ങനെ അതിജീവിക്കാമെന്നാണ്​ പ്രിൻസിപ്പൽ വിശദീകരിക്കുന്നത്​. ‘ഞാൻ വെല്ലുവിളിക്കുകയാണ്​. എ​​​​െൻറ ഒറ്റ വിദ്യാർഥികളും പരീക്ഷയിൽ തോൽക്കില്ല. അവർ ഒരുകാര്യത്തിലും ഭയക്കേണ്ടതില്ല. പരീക്ഷയെഴുതു​േമ്പാൾ നിങ്ങൾക്ക്​ പരസ്​പരം യഥേഷ്​ടം സംസാരിക്കാം. എന്നാൽ, ആരുടേയും കൈ സ്​പർശിക്കാൻ പാടുള്ളതല്ല. സർക്കാർ സ്​കൂളുകളിലുള്ള പരീക്ഷാ കേന്ദ്രങ്ങളിൽ വരുന്ന ടീച്ചർമാരെല്ലാം എ​​​​െൻറ സുഹൃത്തുക്കളാണ്​. അഥവാ നിങ്ങൾ പിടിക്ക​പ്പെടുകയോ.. മുഖത്ത്​ രണ്ട്​ അടികിട്ടുകയോ ചെയ്​താൽ തന്നെ ഭയക്കേണ്ട.. അവരുമായി സഹകരിക്കുക. എല്ലാ ചോദ്യങ്ങൾക്കും ഉത്തരം നൽകുക. ഉത്തരം തെറ്റാണെങ്കിൽ പോലും നാല്​ മാർക്കി​​​​െൻറ ചോദ്യത്തിന്​ മൂന്ന്​ മാർക്ക്​ നൽകുമെന്നും ഉത്തര ​േപപ്പറിൽ 100രൂപ ​നിക്ഷേപിക്കാനും പ്രവീൺ മാൽ വിദ്യാർഥികളോട്​ ആവശ്യ​പ്പെടുന്നുണ്ട്​.

ജയ്​ ഹിന്ദ്​... ജയ്​ ഭാരത്​ എന്ന്​ വിളിച്ചുപറഞ്ഞാണ്​ പ്രവീൺ മാൽ സംസാരം അവസാനിപ്പിക്കുന്നത്​. അതേസമയം ആഹ്ലാദപൂർണ്ണമായാണ്​ വിദ്യാർഥികളും രക്ഷിതാക്കളുമടക്കം യോഗത്തിൽ പ​​ങ്കെടുത്തവർ ഇതിനോട്​​ പ്രതികരിച്ചത്​​.

ദൃശ്യം പകർത്തിയ വിദ്യാർഥി സമൂഹമാധ്യമങ്ങളിൽ പങ്കുവെച്ചതിന്​ ശേഷം മുഖ്യമന്ത്രി യോഗി ആദിഥ്യനാഥിനോട്​ നടപടിയെടുക്കാനും ആവശ്യപ്പെട്ടിരുന്നു. കഴിഞ്ഞ ചൊവ്വാഴ്​ച തുടങ്ങിയ യു.പി ബോർഡ്​ എക്​സാം 56 ലക്ഷം വിദ്യാർഥികളാണ്​ എഴുതുന്നത്​. നിരന്തരം പരാതിയുയർന്നതിനെ തുടർന്ന്​ ഇത്തവണ വലിയ സുരക്ഷാക്രമീകരണങ്ങളോടെയാണ്​ പരീക്ഷകൾ സംഘടിപ്പിച്ചിരിക്കുന്നതെന്ന്​ സർക്കാർ അവകാശപ്പെട്ടിരുന്നു.