'കഴിഞ്ഞ പത്ത് വർഷമായുള്ള വേട്ടയാടലിന്‍റെ തുടർച്ച'; റോബർട്ട് വാദ്രക്കെതിരായ ഇ.ഡി കുറ്റപത്രത്തിൽ രാഹുൽ ഗാന്ധി

ന്യൂഡൽഹി: റോബർട്ട് വാദ്രയെ സർക്കാർ വേട്ടയാടുകയാണെന്ന് കോൺഗ്രസ് നേതാവ് രാഹുൽ ഗാന്ധി. ഭൂമി ഇടപാടിലെ ക്രമക്കേടുമായി ബന്ധപ്പെട്ട കള്ളപ്പണം വെളുപ്പിക്കൽ കേസിൽ വ്യ​വ​സാ​യി​യും എം.പി പ്രിയങ്ക ഗാന്ധിയുടെ ഭര്‍ത്താവുമായ റോബർട്ട് വാദ്രക്കെതിരെ എൻഫോഴ്‌സ്‌മെന്റ് ഡയറക്ടറേറ്റ് (ഇ.ഡി) കുറ്റപത്രം സമർപ്പിച്ചതിന് പിന്നാലെയാണ് രാഹുലിന്‍റെ ആരോപണം.

സത്യം ഒടുവിൽ ജയിക്കുമെന്നും പ്രിയങ്കയും കുടുംബവും ഏത് തരത്തിലുള്ള പീഡനങ്ങളെയും നേരിടുമെന്നും രാഹുൽ ഗാന്ധി പറഞ്ഞു. 'കഴിഞ്ഞ പത്ത് വർഷമായി എന്റെ സഹോദരി ഭർത്താവിനെ സർക്കാർ വേട്ടയാടുകയാണ്. ആ വേട്ടയുടെ തുടർച്ചയാണ് പുതിയ കുറ്റപത്രം. റോബർട്ടും പ്രിയങ്കയും അവരുടെ കുട്ടികളും ദുരുദ്ദേശ്യപരവും രാഷ്ട്രീയ പ്രേരിതവുമായ ആക്രമണത്തെ നേരിടുമ്പോൾ ഞാൻ അവരോടൊപ്പം നിൽക്കുന്നു' -അദ്ദേഹം എക്‌സ് പോസ്റ്റിൽ പറഞ്ഞു.

ഹ​രി​യാ​ന​യി​ലെ ഷി​ക്കോ​പു​രി​ൽ ന​ട​ന്ന ഭൂ​മി ഇ​ട​പാ​ടു​മാ​യി ബ​ന്ധ​പ്പെ​ട്ട ക​ള്ള​പ്പ​ണം വെ​ളു​പ്പി​ക്ക​ൽ കേ​സി​ലാണ് റോ​ബ​ർ​ട്ട് വാ​ദ്ര​ക്കെ​തി​രെ എ​ൻ​ഫോ​ഴ്‌​സ്‌​മെ​ന്റ് ഇ.​ഡി കു​റ്റ​പ​ത്രം സ​മ​ർ​പ്പി​ച്ചത്. റോ​സ് അ​വ​ന്യൂ കോ​ട​തി​യാ​ണ് കേ​സ് പ​രി​ഗ​ണി​ക്കു​ന്ന​ത്. ആ​ദ്യ​മാ​യാ​ണ് റോബർട്ട് വാ​ദ്ര​യെ ക്രി​മി​ന​ൽ കേ​സി​ൽ പ്ര​തി​യാ​ക്കി ഏ​തെ​ങ്കി​ലും അ​ന്വേ​ഷ​ണ ഏ​ജ​ൻ​സി കു​റ്റ​പ​ത്രം സ​മ​ർ​പ്പി​ക്കു​ന്ന​ത്.

വാ​ദ്ര​യു​ടെ​യും അ​ദ്ദേ​ഹ​വു​മാ​യി ബ​ന്ധ​മു​ള്ള സ്കൈ ​ലൈ​റ്റ് ഹോ​സ്പി​റ്റാ​ലി​റ്റി പ്രൈ​വ​റ്റ് ലി​മി​റ്റ​ഡി​ന്റെ​യും മ​റ്റ് സ്ഥാ​പ​ന​ങ്ങ​ളു​ടെ​യും 37.64 കോ​ടി രൂ​പ​യു​ടെ 43 സ്ഥാ​വ​ര സ്വ​ത്തു​ക്ക​ൾ ക​ണ്ടു​കെ​ട്ടി​യ​താ​യും ഇ.​ഡി അ​റി​യി​ച്ചു. പി.​എം.​എ​ൽ.​എ പ്ര​കാ​രം താ​ൽ​ക്കാ​ലി​ക ജ​പ്തി ഉ​ത്ത​ര​വ് പു​റ​പ്പെ​ടു​വി​ക്കു​ക​യും ചെ​യ്തി​ട്ടു​ണ്ട്. സ​ത്യാ​ന​ന്ദ് യാ​ജി, കേ​വ​ൽ സി​ങ് വി​ർ​ക്ക് എ​ന്നി​വ​രും അ​വ​രു​ടെ ക​മ്പ​നി​യാ​യ ഓ​ങ്കാ​രേ​ശ്വ​ർ പ്രോ​പ്പ​ർ​ട്ടീ​സ് പ്രൈ​വ​റ്റ് ലി​മി​റ്റ​ഡും ഉ​ൾ​പ്പെ​ടെ 11 പേ​രാ​ണ് പ്ര​തി​പ്പ​ട്ടി​ക​യി​ലു​ള്ള​ത്.

ഗു​രു​ഗ്രാം സെ​ക്ട​ർ 83ൽ ​ഷി​ക്കോ​പു​ർ ഗ്രാ​മ​ത്തി​ലെ 3.53 ഏ​ക്ക​ർ ഭൂ​മി വാ​ദ്ര ത​ന്റെ സ്ഥാ​പ​ന​മാ​യ സ്കൈ​ലൈ​റ്റ് ഹോ​സ്പി​റ്റാ​ലി​റ്റി പ്രൈ​വ​റ്റ് ലി​മി​റ്റ​ഡ് വ​ഴി ഓ​ങ്കാ​രേ​ശ്വ​ർ പ്രോ​പ്പ​ർ​ട്ടീ​സ് പ്രൈ​വ​റ്റ് ലി​മി​റ്റ​ഡി​ൽ നി​ന്ന് 7.5 കോ​ടി രൂ​പ​ക്ക് വാ​ങ്ങി​യ​തു​മാ​യി ബ​ന്ധ​പ്പെ​ട്ടാ​ണ് കേ​സ്. 2018 സെ​പ്റ്റം​ബ​റി​ൽ ഗു​രു​ഗ്രാം പൊ​ലീ​സാ​ണ് ആ​ദ്യം കേ​സ് ര​ജി​സ്റ്റ​ർ ചെ​യ്ത​ത്.