തൽവാർ ദമ്പതികൾ ജയിൽമോചിതരായി

ദസ്​ന (ഉത്തർപ്രദേശ്​): ആരുഷി വധക്കേസിൽ  കുറ്റവിമുക്തമരായ   രാജേഷ്-നൂപുർ തൽവാർ ദമ്പതികൾ ജയിൽ മോചിതരായി. ഗാസിയാബാദിലെ ദസ്​ന ജയിൽ നിന്ന്​ അഞ്ചു മണിയോടെയാണ്​ നടപടിക്രമങ്ങൾ പൂർത്തിയാക്കി ദമ്പതികൾ പുറത്തിറങ്ങിയത്​. 
ജൽ വായു വിഹാറിലെ വസതിയിലേക്ക്​ പോകുന്ന വഴി നോയിഡയിലെ സായ്​ മന്ദിർ സന്ദർശിക്കും. ഗാസിയാബാദ്​ പൊലീസി​​െൻറ അകമ്പടിയോടെയാണ്​ ഇരുവരും വസതിയിലെത്തുക. 

മകൾ ആരുഷിയെയും വീട്ടുവേലക്കാരൻ ഹേംരാജിനെയും കൊന്ന കേസിൽ ദമ്പതികൾ ജീവപര്യന്തം ശിക്ഷ അനുഭവിച്ചുവരുകയായിരുന്നു. മതിയായ തെളിവുകളുടെ അഭാവത്തിൽ കഴിഞ്ഞദിവസം അലഹബാദ്​ ഹൈകോടതി ഇവരെ വിട്ടയച്ചിരുന്നു.