അഫ്രുസൽ വധക്കേസ്​ പ്രതിയെ മഹത്വവൽക്കരിക്കുന്ന നിശ്​ചല ദൃശവുമായി വി.എച്ച്​.പി

ജോധ്​പൂർ: രാജസ്ഥാനിൽ ലവ്​ ജിഹാദ്​ ആരോപിച്ച്​  മുഹമ്മദ്​ അഫ്രുസലിനെ കൊലപ്പെടുത്തിയ കേസിലെ പ്രതി ശംഭുലാലിനെ മഹത്വവൽക്കരിച്ച്​ വി.എച്ച്​.പിയുടെ നിശ്​ചല ദൃശ്യം. രാമനവമി ഘോഷയാത്രക്കിടയിലാണ്​ ശംഭുലാലിനെ മഹത്വവൽക്കരിക്കുന്ന ടാ​​ബ്ലോ ഇടം പിടിച്ചത്​. വിശ്വഹിന്ദു പരിഷതും ആർ.എസ്​.എസുമാണ്​ പരിപാടി സംഘടിപ്പിച്ചത്​. 

ശംഭുലാലുമായി സാമ്യമുള്ള ഒരാൾ മഴുവമായി ഇരിക്കുന്നതും ഒരാൾ അയാളുടെ താഴെ വീണുകിടക്കുന്നതുമായ ടാ​ബ്ലോയാണ്​ ഘോഷയാത്രയിൽ ഇടംപിടിച്ചത്​​. കൊല നടത്തിയ ദിവസം ശംഭുലാൽ ധരിച്ച ​അതേ നിറത്തിലുള്ള വസ്​ത്രങ്ങളാണ്​ ടാബ്ലോയിലുള്ള വ്യക്​തിയും അണിഞ്ഞിരിക്കുന്നത്​. സാധാരണയായി ഹിന്ദു​ ദൈവങ്ങളാണ്​ രാമനവമി ഘോഷയാത്രയിൽ ഇടംപിടിക്കാറ്​.

രാജ്യത്തെ നടുക്കിയ കൊലപാതകമായിരുന്നു മുഹമദ്​ അഫ്രുസലി​േൻറത്​. ലവ്​ ജിഹാദ്​ ആരോപിച്ച്​ ശംഭുലാൽ അഫ്രുസലിനെ കൊന്ന്​ കത്തിക്കുകയും ഇതി​​​​െൻറ ലൈവ്​ വിഡിയോ പ്രചരിപ്പിക്കുകയും ആയിരുന്നു. സംഭവത്തിന്​ പല ഹിന്ദുത്വ സംഘടനകളിലെ പ്രവർത്തകരും ശംഭുലാലിനെ പിന്തുണച്ചത്​ വാർത്തയായിരുന്നു. ഇതുമായി ബന്ധപ്പെട്ട്​ നിരവധി പേർ പൊലീസ്​ പിടിയിലാവുകയും ചെയ്​തു.