വിദേശ സഹായം വേ​ണ്ടെന്നത്​ നേരത്തേയുള്ള നയമെന്ന്​ കേന്ദ്രം

ന്യൂഡൽഹി: കനത്ത പ്രളയത്തിൽ 231 മനുഷ്യ ജീവനുകളും കോടികളുടെ നഷ്​ടവും സംഭവിച്ച കേരളത്തിന്​ വിദേശ രാഷ്​ട്രങ്ങൾ സഹായം വാഗ്​ദാനം ചെയ്​തതും ഇന്ത്യ നിരസിച്ചതും ഏറെ വിവാദത്തിനു വഴിവെച്ചു​. ദുരിതത്തിൽ നിന്ന്​ കര കയറാൻ യു.എന്നും യു.എ.ഇയും മാലദ്വീപ്​​, ഖത്തർ, തായ്​ലാൻറ്​, എന്നീ രാജ്യങ്ങളും സഹായ വാഗ്​ദാനവുമായി മുന്നോട്ടു വന്നിരുന്നു. 

യു.എ.ഇ 700കോടി രൂപ വാഗ്​ദാനം ​െചയ്​തതായാണ്​​ മുഖ്യമന്ത്രി പിണറായി വിജയൻ അറിയിച്ചത്​. മാലദ്വീപ്​​ 50000ഡോളർ, ഖത്തർ 35 കോടി രൂപ എന്നിങ്ങനെയും ​സഹായധനം പ്രഖ്യാപിച്ചിരുന്നു. എന്നാൽ ഇവരുടെയൊന്നും സഹായം കേരളത്തിന്​ വേണ്ടെന്ന്​ കേന്ദ്രം തീർത്തു പറയുകയും ചെയ്​തു. 2600 കോടി ആവശ്യപ്പെ​െട്ടങ്കിലും പ്രധാനമന്ത്രി പ്രഖ്യാപിച്ച 500കോടിയും ആഭ്യന്തര മന്ത്രി രാജ്​നാഥ്​ സിങ്​ പ്രഖ്യാപിച്ച 100 കോടിയുമടക്കം 600 കോടി മാത്രമാണ്​ കേരളത്തിന്​ കേന്ദ്രത്തി​​​​​​​​െൻറ സംഭാവന.

നിലവിലെ സാഹചര്യത്തിൽ കേരളത്തിന്​ അന്താരാഷ്​ട്ര സഹായം ആവശ്യമി​ല്ലെന്നായിരുന്നു കേന്ദ്ര സർക്കാർ പറഞ്ഞിരുന്നത്​. പിന്നീട് ബുധനാഴ്​ച വിദേശകാര്യ​ മന്ത്രാലയം ഒൗദ്യോഗികമായി തന്നെ ഇക്കാര്യം വിശദീകരിച്ചു. വെള്ളപ്പൊക്കത്തിൽ സഹായം വാഗ്​ദാനം ചെയ്​ത രാജ്യങ്ങൾക്ക്​ നന്ദി അറിയിക്കുന്നതായും നിലവിലെ നയമനുസരിച്ച്​ പ്രളയക്കെടുതി ബാധിച്ച കേരളത്തി​ലെ ദുരിതിശ്വാസ, പുനർനിർമാണ പ്രവർത്തനങ്ങൾ ഇന്ത്യ തന്നെ ചെയ്യുമെന്നും​ പ്രസ്​താവനയിൽ പറയുന്നു. 

അതേ സമയം, മുഖ്യമന്ത്രിയുടെയും പ്രധാനമന്ത്രിയുടെയും ദുരിതാശ്വാസനിധിയിലേക്ക്​ വിദേശത്ത്​ നിന്ന്​ സംഭാവന നൽകാവുന്നതാണെന്നും വിദേശകാര്യമന്ത്രാലയം പുറത്തിറക്കിയ പ്രസ്​താവനയിൽ വ്യക്​തമാക്കുന്നുണ്ട്​. പ്രവാസികൾ, ഇന്ത്യൻ വംശജർ, വിദേശ സന്നദ്ധ സംഘടനകൾ തുടങ്ങിയവർക്കാണ്​ ദുരിതാശ്വാസനിധിയിലേക്ക്​ സംഭാവന നൽകാനാവുക. ഇതിൽ വിവിധ രാജ്യങ്ങളിലെ രാഷ്​ട്രതലവൻമാർക്ക്​ സംഭാവന നൽകാൻ കഴിയുമോ എന്ന്​ വ്യക്​തമാക്കിയിട്ടില്ല.

എന്താണ്​ ഇൗ നയം?

ഇന്ത്യ തുടർന്നു വരുന്ന  നയമാണ്​ വിദേശ സഹായം സ്വീകരിക്കാതിരിക്കാൻ കാരണമെന്നാണ്​ കേന്ദ്ര സർക്കാർ പറയുന്നത്​.​ 2004 മുതൽ ഇന്ത്യ വിദേശ ധനസഹായം സ്വീകരിക്കാറില്ല. തമിഴ്​നാട്​ തീരത്തും ആൻഡമാൻ നിക്കോബാറിലും സുനാമി വീശിയടിച്ച്​​ 12000ത്തോളം ആളുകൾ മരിക്കുകയും ആറ്​ ലക്ഷത്തോളം ആളുകൾ മാറ്റി പാർപ്പിക്കപ്പെടുകയും ​െചയ്​ത ദുരന്തത്തെ തുടർന്ന്  2004ൽ ​ അന്നത്തെ പ്രധാനമന്ത്രി​ മൻമോഹൻസിങ്​ ആണ്​ ദുരന്ത നിവാരണ നയത്തിന്​ അന്തിമ രൂപം നൽകിയത്​.

ഇൗ സാഹചര്യത്തെ സ്വയം വിജയകരമായി മറി കടക്കാൻ നമ്മൾക്ക്​ സാധിക്കുമെന്നും ആവശ്യമെങ്കിൽമാത്രം അവരുടെ സഹായം തേടാമെന്നു മായിരുന്നു വിദേശ സഹായം സ്വീകരിക്കുന്നതു സംബന്ധിച്ച്​ മൻമോഹൻസിങി​​​​​​​​െൻറ നിലപാട്​. ഇൗ നയമാണ്​ തങ്ങൾ പിന്തുടരുന്നതെന്നാണ്​ കേ​ന്ദ്രം പറയുന്നത്​. 

അതേ സമയം, ദുരിത ബാധിതരെ സഹായിക്കാൻ സ്വമേധയാ ഏതെങ്കിലും രാജ്യം സാമ്പത്തിക സഹായം നൽകാൻ തയ്യാറാണെങ്കിൽ അത്​ കേന്ദ്ര സർക്കാറിന് സ്വീകരിക്കാവുന്നതാണെന്ന്​ ദേശീയ ദുരന്ത നിവാരണ നയത്തിൽ വിദേശ സഹായം സ്വീകരിക്കുന്നത്​ സംബന്ധിച്ച ഭാഗത്ത്​ വ്യക്തമാക്കുന്നുണ്ട്​.