ബി.എസ്​.പി സഖ്യമില്ല: രാജസ്ഥാനിൽ കോൺഗ്രസ്​ തനിച്ച്​- സചിൻ പൈലറ്റ്​ 

ന്യൂഡൽഹി: രാജസ്ഥാൻ നിയമസഭാ തെരഞ്ഞെടുപ്പിൽ കോൺഗ്രസ്​ തനിച്ച്​ ബി.ജെ.പിയെ നേരിടുമെന്ന്​ പി.സി.സി അധ്യക്ഷൻ സചിൻ പൈലറ്റ്​. സംസ്ഥാനത്തെ എല്ലാ സീറ്റുകളിലും കോൺഗ്രസ്​ മത്സരിക്കും. ചെറുപാർട്ടികളുമായി സഖ്യത്തിന്​ താൽപര്യമില്ലെന്നും സചിൻ പൈലറ്റ്​ വ്യക്തമാക്കി. 

രാജസ്ഥാനിൽ കോൺഗ്രസ്​ മായാവതിയുടെ ബി.എസ്​.പിയുമായി സഹകരിക്കുമെന്ന വാർത്തയും പൈലറ്റ്​ നിഷേധിച്ചു. 

മുഖ്യമന്ത്രി സ്ഥാനാർഥി ആരാകുമെന്ന്​ പ്രഖ്യാപിച്ചിട്ടില്ല. കോൺഗ്രസ്​ അധ്യക്ഷൻ രാഹുൽ ഗാന്ധി ഉടൻ മുഖ്യമന്ത്രി സ്ഥാനാർഥിയെ പ്രഖ്യാപിക്കുമെന്നാണ്​ സൂചനയെന്നും സചിൻ പൈലറ്റ്​ പറഞ്ഞു.