സെൽഫി ഗുണം ചെയ്യുന്നത്​ ചൈനക്കാരനെന്ന്​ രാഹുൽ ഗാന്ധി

ന്യൂഡൽഹി: സെൽഫി  എടുക്കുന്നതിലൂടെയുള്ള ഗുണം ഇന്ത്യക്കല്ല, മറിച്ച്​ ചൈനയിലെ യുവജനങ്ങൾക്കാണെന്ന്​ കോൺഗ്രസ്​ ഉപാധ്യക്ഷൻ രാഹുൽ ഗാന്ധി. ​ ചൈന ഉൽപാദന മേഖലയിലൂടെ തൊഴിൽ അവസരങ്ങൾ വർധിപ്പിക്കു​േമ്പാൾ ഇന്ത്യ തൊഴിൽ രഹിതരെ സൃഷ്​ടിച്ചുകൊണ്ടിരിക്കയാണ്​. പ്രധാനമന്ത്രി നരേന്ദ്രമോദി ‘മേക്ക്​ ഇൻ ഇന്ത്യ’യിലൂടെ വാഗ്​ദാനം ചെയ്​ത തൊഴിൽ അവസരങ്ങൾ എവിടെയെന്നും രാഹുൽ ചോദിച്ചു. ഹിമാചൽ പ്രദേശിലെ തെരഞ്ഞെടുപ്പ്​ പ്രചരണം ഉദ്​ഘാടനം ചെയ്​തു സംസാരിക്കുകയായിരുന്നു അദ്ദേഹം.

നിങ്ങൾ ഉപയോഗിക്കുന്ന മൊബൈൽ ഫോണൊന്ന്​ എടുത്തു നോക്കൂ. മേക്ക്​ ഇൻ ഇന്ത്യയാണോ ചൈനയാണോ എന്ന്​. ചൈനീസ്​ നിർമിത ഫോണിൽ നിങ്ങൾ ഒാരോ ബട്ടൺ അമർത്തു​േമ്പാഴും അവിടെയുള്ള ഒരു യുവാവിന്​ തൊഴിൽ അവസരം ലഭിക്കുകയാണ്​. ചൈന സർക്കാർ 50,000 തൊഴിലവസരങ്ങൾ സൃഷ്​ടിക്കു​േമ്പാൾ ഇന്ത്യയിൽ 24 മണിക്കൂറിനുള്ളിൽ 450 ഒാളം തൊഴിലവസരങ്ങൾ നഷ്​ടമാകുന്നുവെന്നും രാഹുൽ പറഞ്ഞു.
​േമാദി സർക്കാർ നടപ്പാക്കിയ ജി.എസ്​.ടി ലക്ഷകണക്കിന്​ ചെറുകിട വ്യവസായികളെയാണ്​ ​പ്രയാസത്തിലാക്കിയതെന്നും രാഹുൽ ഗാന്ധി വിമർശിച്ചു.

ഗുജറാത്തിലും ഹിമാചൽപ്രദേശിലും  ജി.എസ്​.ടി, നോട്ടുനിരോധനം, സാമ്പത്തിക വളർച്ച ഇടിവ്​ തുടങ്ങിയ മോദിസർക്കാറി​നെ ബാധിച്ച വിഷയങ്ങൾ ആയുധമാക്കാനാണ്​ രാഹുൽ ഗാന്ധി ശ്രമിക്കുന്നത്​. നോട്ട്​ നിരോധനത്തി​​െൻറ വാർഷിക ദിനമായ നവംബർ എട്ട്​ ബുധനാഴ്​ച കരിദിനമായി ആചരിക്കുമെന്നും കോൺഗ്രസ്​  അറിയിച്ചിട്ടുണ്ട്​.