സോഷ്യൽ മീഡിയയിൽ വീണ്ടും സേവാഭാരതിയുടെ ‘വ്യാജസേവനം’

കേരളത്തെ ബാധിച്ച മഹാപ്രളയം ഇറങ്ങിയിട്ടും സോഷ്യൽ മീഡിയയിൽ സംഘ്​പരിവാരങ്ങൾ നടത്തുന്ന വ്യാജ വെള്ളപ്പൊക്കത്തിന്​ ഇനിയും അറുതിയായിട്ടില്ല. രക്ഷാപ്രവർത്തനത്തി​​​​െൻറ ഘട്ടം കഴിഞ്ഞപ്പോൾ ദുരിതാശ്വാസ പ്രവർത്തനത്തി​​​​െൻറ പേരിൽ വടക്കേ ഇന്ത്യയിൽ ഇപ്പോഴും ‘വ്യാജ സേവന’ വാർത്തകൾ കൊണ്ട്​ ഇളക്കം സൃഷ്​ടിക്കുന്നത്​ തുടരുകയാണ്​.

പ്രളയത്തിൽ മുങ്ങിയ കേരളത്തിൽ 3800 ദുരിതാശ്വാസ ക്യാമ്പുകൾ തുറന്ന സേവാഭാരതി ഏഴ്​ ലക്ഷം ദുരിതബാധിതർക്ക്​ ആശ്വാസം നൽകുന്നുവെന്ന കുറിപ്പോടെ ഉത്തരേന്ത്യയിൽ പ്രചരിക്കുന്ന ഫേസ്​ ബുക്ക്​ പോസ്​റ്റുകളുടെ കള്ളക്കളി കൈയോടെ പിടിച്ചത്​ ഇത്തരം കള്ളത്തരങ്ങൾ സ്​ഥിരമായി പൊളിക്കുന്ന ‘ആൾട്ട്​ന്യൂസ്​.ഇൻ’ എന്ന വെബ്​സൈറ്റ്​ ആണ്​. അരബിന്ദ്​ കുമാർ ഗുപ്​ത എന്നയാൾ പോസ്​റ്റ്​ ​ ചെയ്​തത്​ കാക്കി ട്രൗസറും കാവി മുണ്ടുമുടുത്ത്​ ക്യാമ്പിൽ ഭക്ഷണമൊരുക്കുന്ന ആർ.എസ്​.എസ്​ പ്രവർത്തകരുടെ ചിത്രം സഹിതമാണ്​. 2700 പേരാണ്​ ഇൗ വീര കേരള ചരിതം ഷെയർ ചെയ്​തിരിക്കുന്നത്​. സന്ദീപ്​ ഖരത്​ എന്നയാളും ഇതേ ചിത്രവും കുറിപ്പും പോസ്​റ്റ്​ ചെയ്​തിട്ടുണ്ട്​. 650 പേർ ഇൗ പോസ്​റ്റ്​ ഷെയർ ചെയ്​തിരിക്കുന്നു. ആർ.ജെ. പ്രമോദ്​ ഗുപ്​ത എന്നയാളുടെ വാളിൽനിന്ന്​ ഇ​േത ‘കഥ’ ഷെയർ ചെയ്​തത്​ ആയിരം പേരാണ്​. 2400 ലൈക്ക​​ുമുണ്ട്​. ഫേസ്​ബുക്കിൽ മാത്രം നിന്നില്ല ഇൗ സേവനം. ട്വിറ്ററിലും പലരും പങ്കുവെച്ചിട്ടുണ്ട്​. കേന്ദ്രമന്ത്രി പിയൂഷ്​ ഗോയലി​​​​െൻറ ഒാഫീസ്​ പിന്തുടരുന്ന ഒരു ട്വിറ്റർ അക്കൗണ്ടും ഇതിലുണ്ട്​.

ചിത്രത്തിനു പിന്നിലെ കള്ളക്കളി
എന്നാൽ, ഇൗ ചിത്രത്തി​​​​െൻറ യഥാർത്ഥ ഉറവിടം ആൾട്ട്​ന്യൂസ്​.ഇൻ കണ്ടെത്തി. 2014 ഡിസംബറിൽ പാലക്കാട്​ തിരുവില്ല്വാമലയിലെ വാർഷിക പുനർജനി നൂഴൽ ചടങ്ങിൽ പ​െങ്കട​ുക്കാനെത്തിയ ഭക്​തർക്ക്​ ഭക്ഷണമൊരുക്കുന്ന ആർ.എസ്​.എസ്​ പ്രവർത്തകരുടെ ക്യാമ്പിലെ ദൃശ്യങ്ങളാണ്​ 2018 ആഗസ്​റ്റിലെ വെള്ളപ്പൊക്ക ദുരിതാശ്വാസ ക്യാമ്പ്​ എന്ന പേരിൽ കൊടുത്തിരിക്കുന്നത്​. കാക്കി ട്രൗസർ മാറ്റി ആർ.സ്​.എസി​​​​െൻറ യൂണിഫോം പാൻറ്​സ്​ ആക്കിയതുപോലും ഒാർക്കാതെയാണ്​ പുരാവസ്​തു ശേഖരത്തിൽ നിന്ന്​ ഇൗ ചിത്രം തപ്പിയെടുത്ത്​ പുതിയതെന്ന മട്ടിൽ പ്രചരിപ്പിച്ചിരിക്കുന്നത്​.

മാത്രമല്ല, samvada.org എന്ന സംഘ്​പരിവാർ വെബ്​സൈറ്റിൽ 2014ൽ ‘ആർ.എസ്​.എസുകാർ പുനർജനി ഗുഹ നൂ​ഴാനെത്തിയ ഭക്​തരെ സഹായിച്ച വാർത്തയ്​ക്കൊപ്പം ഇൗ ചിത്രം നൽകിയിട്ടുമുണ്ട്​.

രക്ഷാ​പ്രവർത്തനത്തിൽ ഏർപ്പെട്ടിരുന്ന മന്ത്രി സുനിൽ കുമാറിനെയും രക്ഷാ ബോട്ടിൽ കയറാൻ പ്രളയബാധിതർക്ക്​ സ്വന്തം മുതുക്​ ചവിട്ടുപടിയാക്കി കൊടുത്ത മത്സ്യത്തൊഴിലാളി ജൈസലി​​​​െൻറ ചിത്രവും സേവാഭാരതിയുടെ ‘സേവന അക്കൗണ്ടിൽ’ വരവു വെച്ച്​ വടക്കേയിന്ത്യയിൽ സംഘ്​പരിവറുകാർ പ്രചരിപ്പിച്ചത്​ കൈയോടെ ‘ആൾട്ടർന്യൂസ്​.ഇന്നും സോഷ്യൽ മീഡിയയും പൊളിച്ചടുക്കിയിരുന്നു.