ശരീഅ കോടതിക്കും ഖാദിയുടെ കോടതിക്കും നിയമപരമായ അംഗീകാരമില്ല -സുപ്രീംകോടതി

ന്യൂ​ഡ​ൽ​ഹി: ശ​രീ​അ കോ​ട​തി​ക്കും ഖാ​ദി​യു​ടെ കോ​ട​തി​ക്കും നി​യ​മ​പ​ര​മാ​യ അം​ഗീ​കാ​ര​മി​ല്ലെ​ന്ന് സു​പ്രീം​കോ​ട​തി. ഖാ​ദി കോ​ട​തി, ദാ​റു​ൽ ഖാ​ജ കോ​ട​തി, ശ​രീ​അ കോ​ട​തി എ​ന്നി​ങ്ങ​നെ ഏ​തു​പേ​രു​ക​ളി​ൽ അ​റി​യ​പ്പെ​ട്ടാ​ലും ഇ​ത്ത​രം സം​വി​ധാ​ന​ങ്ങ​ൾ നി​യ​മ​പ​ര​മ​ല്ലാ​ത്ത​തു​കൊ​ണ്ടു​ത​ന്നെ ഇ​വ ന​ൽ​കു​ന്ന നി​​ർ​ദേ​ശ​ങ്ങ​ൾ​ക്ക് നി​യ​മ​സാ​ധു​ത​യി​ല്ലെ​ന്നും ജ​സ്റ്റി​സ് സു​ധാ​ൻ​ഷു ധൂ​ലി​യ, ജ​സ്റ്റി​സ് അ​ഹ്സ​നു​ദ്ദീ​ൻ അ​മാ​നു​ല്ല എ​ന്നി​വ​ര​ട​ങ്ങി​യ ബെ​ഞ്ച് വ്യ​ക്ത​മാ​ക്കി.

ശ​രീ​അ കോ​ട​തി​ക​ൾ​ക്കും ഫ​ത്‍വ​ക​ൾ​ക്കും നി​യ​മ​പ​ര​മാ​യ അം​ഗീ​കാ​ര​മി​ല്ലെ​ന്ന 2014​ലെ ​സു​പ്രീം​കോ​ട​തി വി​ധി​യും ബെ​ഞ്ച് ചൂ​ണ്ടി​ക്കാ​ട്ടി. വി​വാ​ഹ മോ​ച​ന​ക്കേ​സു​മാ​യി ബ​ന്ധ​പ്പെ​ട്ട ത​ർ​ക്ക​ത്തി​ന് കാ​ര​ണ​ക്കാ​രി താ​നാ​ണെ​ന്ന കാ​ര​ണ​ത്താ​ൽ ജീ​വ​നാം​ശം ന​ൽ​കേ​ണ്ട​തി​ല്ലെ​ന്ന കു​ടും​ബ കോ​ട​തി​യു​ടെ തീ​രു​മാ​നം ശ​രി​വെ​ച്ച അ​ല​ഹ​ബാ​ദ് ഹൈ​കോ​ട​തി വി​ധി ചോ​ദ്യം​ചെ​യ്ത് യു​വ​തി ന​ൽ​കി​യ അ​പ്പീ​ൽ പ​രി​ഗ​ണി​ക്കു​ക​യാ​യി​രു​ന്നു ബെ​ഞ്ച്. കു​ടും​ബ കോ​ട​തി​യി​ൽ ജീ​വ​നാം​ശ ഹ​ര​ജി സ​മ​ർ​പ്പി​ച്ച തീ​യ​തി മു​ത​ൽ യു​വ​തി​ക്ക് പ്ര​തി​മാ​സം 4000 രൂ​പ ജീ​വ​നാം​ശം ന​ൽ​കാ​ൻ സു​പ്രീം​കോ​ട​തി ഉ​ത്ത​ര​വി​ട്ടു.

2002ലാ​ണ് ഹ​ര​ജി​ക്കാ​രി​യാ​യ യു​വ​തി​യും ഭ​ർ​ത്താ​വും ഇ​സ്‍ലാ​മി​ക നി​യ​മ​പ്ര​കാ​രം വി​വാ​ഹി​ത​രാ​യ​ത്. ഇ​രു​വ​രു​ടെ​യും ര​ണ്ടാം വി​വാ​ഹ​മാ​യി​രു​ന്നു. 2005ൽ ​ഭോ​പാ​ലി​ലെ ഖാ​ദി കോ​ട​തി​യി​ൽ ഭ​ർ​ത്താ​വ് വി​വാ​ഹ​മോ​ച​ന ഹ​ര​ജി ന​ൽ​കി. പി​ന്നാ​ലെ, ഇ​വ​ർ ത​മ്മി​ലു​ണ്ടാ​ക്കി​യ ഒ​ത്തു​തീ​ർ​പ്പി​ന്റെ അ​ടി​സ്ഥാ​ന​ത്തി​ൽ ഇ​ത് ത​ള്ളി. 2008ൽ ​ഭ​ർ​ത്താ​വ് വീ​ണ്ടും വി​വാ​ഹ​മോ​ച​ന​മാ​വ​ശ്യ​പ്പെ​ട്ട് ഖാ​ജ കോ​ട​തി​യെ സ​മീ​പി​ക്കു​ക​യാ​യി​രു​ന്നു. ഇ​തേ​വ​ർ​ഷം ഭാ​ര്യ ജീ​വ​നാം​ശം തേ​ടി കു​ടും​ബ​കോ​ട​തി​യെ​യും സ​മീ​പി​ച്ചു. തു​ട​ർ​ന്ന്, 2009ൽ ​ദാ​റു​ൽ ഖാ​ജ കോ​ട​തി വി​വാ​ഹ​മോ​ച​നം അ​നു​വ​ദി​ച്ചു.എ​ന്നാ​ൽ, ഭ​ർ​ത്താ​വ് ഭാ​ര്യ​യെ മ​നഃ​പൂ​ർ​വം ഉ​പേ​ക്ഷി​ച്ചി​ട്ടി​ല്ലെ​ന്നും ര​ണ്ടാം വി​വാ​ഹ​മാ​യ​തി​നാ​ല്‍ സ്‌​ത്രീ​ധ​നം ആ​വ​ശ്യ​പ്പെ​ടാ​ന്‍ സാ​ധു​ത​യി​ല്ലെ​ന്നു​മാ​യി​രു​ന്നു കു​ടും​ബ കോ​ട​തി വ്യ​ക്ത​മാ​ക്കി​യ​ത്. യു​വ​തി​യു​ടെ സ്വ​ഭാ​വ​ദൂ​ഷ്യ​വും പെ​രു​മാ​റ്റ​വു​മാ​ണ് ത​ർ​ക്ക​ത്തി​ലേ​ക്കും തു​ട​ർ​ന്ന് വി​വാ​ഹ​മോ​ച​ന​ത്തി​ലേ​ക്കും ന​യി​ച്ച​തെ​ന്നും കോ​ട​തി വി​ല​യി​രു​ത്തി. എ​ന്നാ​ൽ, കു​ടും​ബ​​കോ​ട​തി നി​രീ​ക്ഷ​ണം അ​നു​മാ​ന​ങ്ങ​ളെ ആ​സ്പ​ദ​മാ​ക്കി​യു​ള്ള​താ​ണെ​ന്നും സ്ത്രീ​ധ​നം ആ​വ​ശ്യ​പ്പെ​ട്ട് ഭ​ർ​ത്താ​വ് ക്രൂ​ര​ത കാ​ട്ടി​യ​താ​യി യു​വ​തി​യു​ടെ പ​രാ​തി​യു​ണ്ടെ​ന്നും സു​പ്രീം​കോ​ട​തി ചൂ​ണ്ടി​ക്കാ​ട്ടി.