ശിയാ പണ്ഡിതൻ മൗലാന ഡോ. കൽബെ സാദിഖ് അന്തരിച്ചു

ലഖ്​നോ: രാജ്യത്തെ പ്രമുഖ ശിയാ പണ്ഡിതനും അഖിലേന്ത്യ മുസ്​ലിം വ്യക്തിനിയമ ബോർഡ്​ വൈസ്​ പ്രസിഡൻറുമായ മൗലാന ഡോ. കൽബെ സാദിഖ്​ (83) അന്തരിച്ചു.

അർബുദ രോഗിയായിരുന്ന അദ്ദേഹത്ത ന്യൂമോണിയയും ശ്വാസതടസ്സവും ബാധിച്ചതിനെ തുടർന്ന്​ ഇൗമാസം 17ന്​ ലഖ്​നോയിലെ ഇറാസ്​ മെഡി.കോളജ്​ ആശുപത്രിയിൽ പ്രവേശിപ്പിച്ചതായിരുന്നു. അഖിലേന്ത്യ ശിയാ കോൺഫറൻസ്​ ജനറൽ ​െ​സക്രട്ടറിയായ അദ്ദേഹം ശിയാ-_സുന്നി ​െഎക്യത്തിനും ഹിന്ദു_മുസ്​ലിം സൗഹാർദത്തിനും കഠിനമായി യത്​നിച്ചു.

1939ൽ ലഖ്​നോയിൽ ജനിച്ച അദ്ദേഹം സുൽത്താനുൽ മദാരിസ്​, അലീഗ-ഢ്​ മുസ്​ലിം യൂണിവേഴ്​സിറ്റി എന്നിവിടങ്ങളിൽ പഠിച്ച അദ്ദേഹം അറബി ഭാഷയിൽ ഡോക്​ടറേറ്റ്​ നേടി. 1984ൽ ലഖ്​നോയിൽ തുടക്കമിട്ട തൗഹീദുൽ മുസ്​ലിമീൻ ട്രസ്​റ്റിനു കീഴിൽ നിരവധി വിദ്യാഭ്യാസസ്​ഥാപനങ്ങളും ആതുരാലയങ്ങളും ആരംഭിച്ചു. പാവപ്പെട്ടവർക്ക്​ സൗജന്യവിദ്യാഭ്യാസവും കുറഞ്ഞ നിരക്കിൽ രോഗശുശ്രൂഷയും നൽകി സാമൂഹികസേവനരംഗത്തു കൽബെ സാദിഖ്​ ശ്രദ്ധേയനായി.