തെ​ര​ഞ്ഞെ​ടു​പ്പും നി​യ​മ​നി​ർ​മാ​ണ സ​ഭ​യും ഇല്ലാ​താ​ക്കി ഒരു സംസ്ഥാനത്തെ കേന്ദ്രഭരണ പ്രദേശമാക്കാമോ -സുപ്രീംകോടതി

ന്യൂ​ഡ​ൽ​ഹി: ഒ​രു കേ​ന്ദ്ര​ഭ​ര​ണ​പ്ര​ദേ​ശം സം​സ്ഥാ​ന​മാ​ക്കാ​നാ​കു​മെ​ങ്കി​ലും തി​രി​ച്ച് ഒ​രു സം​സ്ഥാ​നം കേ​ന്ദ്ര​ഭ​ര​ണ​പ്ര​ദേ​ശ​മാ​ക്കാ​നാ​കു​മോ എ​ന്ന് സു​പ്രീം​കോ​ട​തി. ജ​നാ​ധി​പ​ത്യ​ത്തി​ന്റെ സ​വി​ശേ​ഷ​ത​ക​ളാ​യ തെ​ര​ഞ്ഞെ​ടു​പ്പും നി​യ​മ​നി​ർ​മാ​ണ സ​ഭ​യു​മു​ള്ള ​ഒ​രു പ്ര​ദേ​ശ​ത്തെ അ​തി​ല്ലാ​ത്ത​താ​ക്കി മാ​റ്റു​ക​യ​ല്ലേ കേ​​ന്ദ്ര​ഭ​ര​ണ​പ്ര​ദേ​ശ​മാ​ക്കു​ന്ന​തി​ലൂ​ടെ ചെ​യ്യു​ന്ന​തെ​ന്നും സു​പ്രീം​കോ​ട​തി ചോ​ദി​ച്ചു. ജ​മ്മു-​ക​ശ്മീ​രി​​ന്റെ പ്ര​ത്യേ​ക പ​ദ​വി എ​ടു​ത്തു​ക​ള​ഞ്ഞ​തി​നെ​തി​രാ​യ ഹ​ര​ജി​ക​ളി​ലെ വാ​ദ​ത്തി​ന്റെ എ​ട്ടാം ദി​വ​സ​മാ​ണ് ചീ​ഫ് ജ​സ്റ്റി​സ് ഡി.​വൈ. ച​ന്ദ്ര​ചൂ​ഡ് അ​ധ്യ​ക്ഷ​നാ​യ അ​ഞ്ചം​ഗ ഭ​ര​ണ​ഘ​ട​നാ​ബെ​ഞ്ച് ഈ ​ചോ​ദ്യ​മു​ന്ന​യി​ച്ച​ത്.

ജ​മ്മു-​ക​ശ്മീ​രി​​ന്റെ പ്ര​ത്യേ​ക പ​ദ​വി എ​ടു​ത്തു​ക​ള​ഞ്ഞ് സം​സ്ഥാ​ന​ത്തെ ര​ണ്ട് കേ​ന്ദ്ര ഭ​ര​ണ​പ്ര​ദേ​ശ​ങ്ങ​ളാ​ക്കി​യ​ത് ഭ​ര​ണ​ഘ​ട​നാ വ​ഞ്ച​ന​യാ​ണെ​ന്ന് മു​തി​ർ​ന്ന അ​ഭി​ഭാ​ഷ​ക​ൻ സി.​യു. സി​ങ് ഹ​ര​ജി​ക്കാ​ർ​ക്ക് വേ​ണ്ടി ബോ​ധി​പ്പി​ച്ചു. ഭ​ര​ണ​ഘ​ട​ന​യു​ടെ അ​ടി​സ്ഥാ​ന ഘ​ട​ന​പോ​ലും നി​യ​മ​വി​രു​ദ്ധ ബി​ല്ലി​ലൂ​ടെ കേ​ന്ദ്ര​സ​ർ​ക്കാ​ർ തു​ട​ച്ചു​നീ​ക്കി​യെ​ന്ന് അദ്ദേഹം കു​റ്റ​പ്പെ​ടു​ത്തി.

ജ​മ്മു-​ക​ശ്മീ​രി​നു​ള്ള പ്ര​ത്യേ​ക അ​ധി​കാ​ര​ങ്ങ​ൾ പ​രി​ഗ​ണി​ച്ചി​ല്ലെ​ങ്കി​ൽ പോ​ലും ഭ​ര​ണ​ഘ​ട​നാ​പ​ര​മാ​യി സം​സ്ഥാ​ന പു​നഃ​സം​ഘ​ട​ന തെ​റ്റാ​ണ്. 1905ൽ ​ക​ഴ്സ​ൺ പ്ര​ഭു ബം​ഗാ​ൾ പ്ര​വി​ശ്യ വി​ഭ​ജി​ച്ച​ത് വ​ലി​യ കു​ഴ​പ്പ​മു​ണ്ടാ​ക്കി​യ​പ്പോ​ൾ 1911ൽ ​അ​ത് തി​രു​ത്തു​ക​യും പ്ര​വി​ശ്യാ​വി​ഭ​ജ​നം സം​ബ​ന്ധി​ച്ച് 1917 ആ​ഗ​സ്റ്റ് 20ന് ​ബ്രി​ട്ടീ​ഷ് പാ​ർ​ല​മെ​ന്റ് പ്ര​ഖ്യാ​പ​നം ഇ​റ​ക്കു​ക​യും ചെ​യ്തു. 1935ൽ ​ഇ​ന്ത്യാ ഗ​വ​ൺ​മെ​ന്റ് നി​യ​മ​മു​ണ്ടാ​ക്കി​യ​പ്പോ​ൾ അ​തി​ന്റെ ആ​മു​ഖ​ത്തി​ൽ ഈ ​പ്ര​ഖ്യാ​പ​നം പ്ര​ത്യേ​കം എ​ടു​ത്തു​പ​റ​യു​ന്നു​ണ്ട്.

അ​ത് പ്ര​കാ​രം ഗ​വ​ർ​ണ​ർ ജ​ന​റ​ൽ പ്രാ​ദേ​ശി​ക സ​ർ​ക്കാ​റി​ൽ​നി​ന്നും പ്രാ​ദേ​ശി​ക നി​യ​മ​ന നി​ർ​മാ​ണ സ​ഭ​യി​ൽ​നി​ന്നും അ​ഭി​പ്രാ​യം അ​റി​ഞ്ഞ​ശേ​ഷം പു​തി​യ പ്ര​വി​ശ്യ​ക​ളു​ണ്ടാ​ക്കാ​വൂ. പ്ര​വി​ശ്യ​ക​ളു​ടെ അ​തി​ർ​ത്തി​മാ​റ്റം നി​യ​മ​നി​ർ​മാ​ണ കൗ​ൺ​സി​ലി​ന്റെ അ​നു​മ​തി​യി​ല്ലാ​തെ ചെ​യ്യ​രു​ത് എ​ന്നാ​ണ് 1935 ഇ​ന്ത്യാ ഗ​വ​ൺ​മെ​ന്റ് നി​യ​മം വ്യ​ക്ത​മാ​ക്കു​ന്ന​ത്.

ഇ​ന്ത്യ​ൻ ഭ​ര​ണ​ഘ​ട​ന​യു​ടെ മൂ​ന്നാം അ​നു​ച്ഛേ​ദം ഈ ​ചൈ​ത​ന്യ​മു​ൾ​ക്കൊ​ണ്ടാ​ണ് ഉ​ണ്ടാ​ക്കി​യ​ത്. ജ​മ്മു- ക​ശ്മീ​രി​ന്റെ കാ​ര്യ​ത്തി​ൽ ഭ​ര​ണ​ഘ​ട​ന​യു​ടെ മൂ​ന്നാം അ​നു​ച്ഛേ​ദ​ത്തി​ന് കേ​ന്ദ്ര​സ​ർ​ക്കാ​ർ ന​ൽ​കി​യ വ്യാ​ഖ്യാ​നം സു​പ്രീം​കോ​ട​തി ശ​രി​വെ​ച്ചാ​ൽ അ​തു​ണ്ടാ​ക്കു​ന്ന പ്ര​ത്യാ​ഘാ​ത​ങ്ങ​ൾ ഗു​രു​ത​ര​മാ​കുമെന്ന് സി​ങ് ബോധിപ്പിച്ചു.