കേന്ദ്രമന്ത്രി ശ്രീപദ്​ നായികി​െൻറ കാർ അപകടത്തിൽപെട്ടു; ഭാര്യയും പേഴ്​സണൽ സെക്രട്ടറിയും മരിച്ചു

ബംഗളൂരു: കേ​ന്ദ്ര ആയുഷ്​മന്ത്രി ശ്രീപദ്​ വൈ നായികും കുടുംബവും​ സഞ്ചരിച്ച കാർ അപകടത്തിൽപെട്ടു. അപകടത്തിൽ ഭാര്യ വിജയ, പേഴ്​സണൽ സെക്രട്ടറി ദീപക്​ ദുബെ എന്നിവർ മരിച്ചു. ഗുരുതര പരിക്കേറ്റ മന്ത്രിയെ ഗോവയിലെ ആശുപത്രിയിൽ പ്രവേശിപ്പിച്ചു.

ഡ്രൈവർ സൂരജ്​ നായിക്​, ഗൺമാൻ തുക്​റാം, സുഹൃത്ത്​ സായികിരൺ ഷെട്ടി എന്നിവർക്കും പരിക്കുണ്ട്​. ഗോവയില്‍ നിന്ന് ഗോകര്‍ണത്തേക്കുള്ള യാത്രക്കിടെ തിങ്കളാഴ്​ച രാത്രി ഒമ്പതോടെ കർണാടക ഉത്തര കന്നട ജില്ലയി​െല അ​േങ്കാളക്ക്​ സമീപമാണ്​ അപകടം.

നിയന്ത്രണം വിട്ട കാര്‍ റോഡി​െൻറ സംരക്ഷണ ഭിത്തിയില്‍ ഇടിച്ച ശേഷം മറിയുകയായിരുന്നു. പ്രധാനമന്ത്രി നരേന്ദ്രമോദി, ആഭ്യന്തര മന്ത്രി രാജ്​നാഥ്​ സിങ്​ എന്നിവർ ഗോവ മുഖ്യമന്ത്രി പ്രമോദ്​ സാവന്തിൽനിന്ന്​ വിവരങ്ങൾ തേടി. ശ്രീപദ് നായികിനെ എയർ ആംബുലൻസിൽ ഡൽഹിയിലേക്ക്​ മാറ്റുമെന്നറിയുന്നു.