ബിഹാറിലെ വോട്ടർപട്ടിക പരിശോധന; ലക്ഷ്യം എൻ.ആർ.സി​ ?

ന്യൂ​ഡ​ൽ​ഹി: ഈ ​വ​ർ​ഷം ന​ട​ക്കു​ന്ന ബി​ഹാ​ർ നി​യ​മ​സ​ഭ തെ​ര​ഞ്ഞെ​ടു​പ്പി​നു മു​മ്പാ​യി വോ​ട്ട​ർ​പ​ട്ടി​ക​യി​ൽ തീ​വ്ര പു​നഃ​പ​രി​ശോ​ധ ന​ട​ത്താ​നു​ള്ള കേ​ന്ദ്ര തെ​ര​ഞ്ഞെ​ടു​പ്പ് ക​മീ​ഷ​ൻ തീ​രു​മാ​നം, കേ​ന്ദ്ര സ​ർ​ക്കാ​റി​ന്റെ വി​വാ​ദ ദേ​ശീ​യ പൗ​ര​ത്വ ര​ജി​സ്റ്റ​ർ (എ​ൻ.​ആ​ർ.​സി) പി​ൻ​വാ​തി​ൽ വ​ഴി ന​ട​പ്പാ​ക്കാ​നു​ള്ള ര​ഹ​സ്യ നീ​ക്ക​മാ​ണെ​ന്ന ആ​ക്ഷേ​പം ശ​ക്ത​മാ​കു​ന്നു.

പ​രി​ശോ​ധ​ന​യു​ടെ സു​താ​ര്യ​ത​യി​ൽ ആ​ശ​ങ്ക പ്ര​ക​ടി​പ്പി​ച്ചും ക​മീ​ഷ​ന്റേ​ത് വ​ഞ്ച​ന​പ​രാ​യ നീ​ക്ക​മാ​ണെ​ന്നും ആ​രോ​പി​ച്ച് കൂ​ടു​ത​ൽ പ്ര​തി​പ​ക്ഷ പാ​ർ​ട്ടി​ക​ൾ രം​ഗ​ത്തു​വ​ന്നു.

നി​ല​വി​ലെ വോ​ട്ട​ർ​പ​ട്ടി​ക​യി​ൽ അം​ഗ​മാ​കാ​ൻ 11 രേ​ഖ​ക​ളി​ൽ എ​തെ​ങ്കി​ലും ഒ​ന്നു സ​മ​ർ​പ്പി​ച്ചാ​ൽ മ​തി​യാ​കും. എ​ന്നാ​ൽ, ബി​ഹാ​റി​ലെ വീ​ടു​ക​യ​റി​യു​ള്ള വോ​ട്ട​ർ​പ​ട്ടി​ക പു​നഃ​പ​രി​ശോ​ധ​ന​യി​ൽ 1987നു ​ശേ​ഷം ജ​നി​ച്ച​വ​ർ സ്വ​ന്തം ജ​ന​ന വി​വ​ര​ത്തി​നൊ​പ്പം മാ​താ​പി​താ​ക്ക​ളു​ടെ ജ​ന​ന വി​വ​ര​ങ്ങ​ൾ ഉ​ൾ​പ്പെ​ടെ ന​ൽ​കേ​ണ്ട​തു​ണ്ട്.

ഇ​ത് എ​ൻ.​ആ​ർ.​സി​യി​ൽ കേ​ന്ദ്ര സ​ർ​ക്കാ​ർ ആ​വ​ശ്യ​പ്പെ​ടു​ന്ന രേ​ഖ​ക​ളാ​ണെ​ന്നും ക​മീ​ഷ​ൻ ന​ട​പ​ടി സു​താ​ര്യ​മി​ല്ലാ​ത്ത​തും വ​ഞ്ച​ന​പ​ര​മാ​ണെ​ന്നു​മാ​ണ് ഇ​ൻ​ഡ്യ സ​ഖ്യം പ​റ​യു​ന്ന​ത്.

ക​മീ​ഷ​ന്റെ തീ​രു​മാ​നം വ​ള​രെ​യ​ധി​കം അ​സ്വ​സ്ഥ​ത ഉ​ള​വാ​ക്കു​ന്ന​താ​ണെ​ന്നും ജ​നാ​ധി​പ​ത്യ​ത്തെ​യും ഭ​ര​ണ​ഘ​ട​ന​യെ​യും പ​രി​ഹ​സി​ക്ക​ലാ​ണെ​ന്നും പ​ട്ന​യി​ൽ ഇ​ൻ​ഡ്യ സ​ഖ്യം ന​ട​ത്തി​യ വാ​ർ​ത്ത​സ​മ്മേ​ള​ന​ത്തി​ൽ ബി​ഹാ​ർ പ്ര​തി​പ​ക്ഷ നേ​താ​വ് തേ​ജ​സ്വി യാ​ദ​വ് പ​റ​ഞ്ഞു.

അ​രി​കു​വ​ത്ക​രി​ക്ക​പ്പെ​ട്ട സ​മൂ​ഹ​ങ്ങ​ൾ, ദ​ലി​ത​ർ, ആ​ദി​വാ​സി​ക​ൾ, ന്യൂ​ന​പ​ക്ഷ​ങ്ങ​ൾ എ​ന്നി​വ​രു​ൾ​പ്പെ​ടെ ദു​ർ​ബ​ല ജ​ന​വി​ഭാ​ഗ​ങ്ങ​ളു​ടെ വോ​ട്ട​വ​കാ​ശം നി​ഷേ​ധി​ക്കാ​നു​ള്ള ബോ​ധ​പൂ​ർ​വ​മാ​യ ശ്ര​മ​മാ​ണെ​ന്ന സം​ശ​യ​ത്തി​ന് ആ​ക്കം കൂ​ട്ടു​ന്നെ​ന്നും തേ​ജ​സ്വി പ​റ​ഞ്ഞു.

നാ​സി ഭ​ര​ണ​ത്തി​നു കീ​ഴി​ൽ പാ​ര​മ്പ​ര്യം വ്യ​ക്ത​മാ​ക്കു​ന്ന പാ​സ് ന​ൽ​കേ​ണ്ടി വ​ന്നതിന്റെ വ​ക​ഭേ​ദ​മാ​ണോ​യെ​ന്ന് ഡ​ൽ​ഹി​യി​ൽ ന​ട​ത്തി​യ വാ​ർ​ത്ത​സ​മ്മേ​ള​ന​ത്തി​ൽ തൃ​ണ​മൂ​ൽ കോ​ൺ​ഗ്ര​സ് എം.​പി ഡെ​റി​ക് ​ഒ​ബ്രി​യ​ൻ ചോ​ദി​ച്ചു.

എ​ൻ.​ആ​ർ.​സി ര​ഹ​സ്യ​മാ​യി ന​ട​പ്പാ​ക്കാ​നു​ള്ള നീ​ക്ക​മാ​ണെ​ന്ന് എ.​ഐ.​എം.​ഐ.​എം അ​ധ്യ​ക്ഷ​ൻ അ​സ​ദു​ദ്ദീ​ൻ ഉ​വൈ​സി​യും കു​റ്റ​പ്പെ​ടു​ത്തി എ​ൻ.​ആ​ർ.​സി​ക്ക് സ​മാ​ന​മാ​യ പ്ര​ക്രി​യ ഒ​രു പ്ര​ത്യേ​ക വി​ഭാ​ഗം ജ​ന​ങ്ങ​ളു​ടെ വോ​ട്ട​വ​കാ​ശം ഇ​ല്ലാ​താ​ക്കു​മെ​ന്ന ആ​ശ​ങ്ക​യു​ണ്ടെ​ന്നും രാ​ഷ്‌​ട്രീ​യ പാ​ർ​ട്ടി​ക​ളു​ടെ​യൊ​ന്നും സ​മ്മ​തം കൂ​ടാ​തെ​യു​ള്ള നീ​ക്ക​ത്തി​ൽ​നി​ന്ന്‌ പി​ൻ​വാ​ങ്ങ​ണ​മെ​ന്നും ആ​വ​ശ്യ​പ്പെ​ട്ട് സി.​പി.​എം ക​മീ​ഷ​ന് ക​ത്ത​യ​ച്ചി​രു​ന്നു.

പ​രി​ഹാ​ര​ത്തി​ന്റെ മ​റ​വി​ൽ വ​ഞ്ച​ന​പ​ര​വും സം​ശ​യാ​സ്പ​ദ​വു​മാ​യ ന​ട​പ​ടി​യാ​ണ് ക​മീ​ഷി​​​ന്റേ​തെ​ന്നും കോ​ൺ​ഗ്ര​സ് ജ​ന​റ​ൽ സെ​ക്ര​ട്ട​റി കെ.​സി. വേ​ണു​ഗോ​പാ​ൽ പ​റ​ഞ്ഞു.

പ​രി​​ശോ​ധ​ന തു​ട​ങ്ങി; ഇ​ന്ത്യ​ക്കാ​ർ​ക്ക് മാ​​ത്രം വോ​ട്ടെ​ന്ന് ക​മീ​ഷ​ൻ

ന്യൂ​ഡ​ൽ​ഹി: പ്ര​തി​പ​ക്ഷ ​പ്ര​തി​ഷേ​ധ​ത്തി​നി​ടെ ബി​ഹാ​റി​ൽ വോ​ട്ട​ർ​പ​ട്ടി​ക​യു​ടെ പ്ര​ത്യേ​ക തീ​വ്ര​പ​രി​ശോ​ധ​ന ആ​രം​ഭി​ച്ച് തെ​ര​ഞ്ഞെ​ടു​പ്പ് ക​മീ​ഷ​ൻ.

പ​രി​ശോ​ധ​ന​യു​ടെ സു​താ​ര്യ​ത​യി​ൽ വ​ലി​യ ആ​ക്ഷേ​പം നി​ല നി​ൽ​ക്കെ​യാ​ണ്, എ​ല്ലാ രാ​ഷ്ട്രീ​യ ക​ക്ഷി​ക​ളു​ടെ​യും പൂ​ർ​ണ പ​ങ്കാ​ളി​ത്ത​ത്തോ​ടെ ഓ​രോ വോ​ട്ട​റു​ടെ​യും യോ​ഗ്യ​ത പ​രി​ശോ​ധി​ക്കു​ന്ന​തി​നാ​യി ബി​ഹാ​റി​ൽ പ്ര​ത്യേ​ക തീ​വ്ര പു​നഃ​പ​രി​ശോ​ധ​ന ന​ട​പ​ടി ആ​രം​ഭി​ച്ചെ​ന്ന് വ്യ​ക്ത​മാ​ക്കി ക​മീ​ഷ​ൻ ശ​നി​യാ​ഴ്ച പ​ത്ര​ക്കു​റി​പ്പ് പു​റ​ത്തി​റ​ക്കി.

ഭ​ര​ണ​ഘ​ട​ന പ്ര​കാ​രം അ​ത​ത് പ്ര​ദേ​ശ​ങ്ങ​ളി​ലു​ള്ള 18 വ​യ​സ്സാ​യ ഇ​ന്ത്യ​ക്കാ​ർ​ക്ക് മാ​ത്ര​മേ വോ​ട്ട്ചെ​യ്യാ​നാ​കൂ​വെ​ന്ന് ക​മീ​ഷ​ൻ വ്യ​ക്ത​മാ​ക്കി. അ​ര്‍ഹ​രാ​യ എ​ല്ലാ പൗ​ര​ന്മാ​രു​ടെ​യും പേ​ര് പ​ട്ടി​ക​യി​ല്‍ ഉ​ള്‍പ്പെ​ടു​ത്തി​യി​ട്ടു​ണ്ടെ​ന്ന് ഉ​റ​പ്പു​വ​രു​ത്താ​നും അ​ര്‍ഹ​ത​യി​ല്ലാ​ത്ത​വ​രെ പു​റ​ത്താ​ക്കാ​നു​മാ​ണ് ന​ട​പ​ടി​യെ​ന്നാ​ണ് ക​മീ​ഷ​ൻ പ​റ​യു​ന്ന​ത്.