രാമക്ഷേത്രത്തി​െൻറ കല്ലുകളെവിടെ? ബി.ജെ.പിയെ കടന്നാക്രമിച്ച്​ കുമാരസ്വാമി

ബംഗളൂരു: രാമക്ഷേത്ര വിഷയത്തിൽ ബി.ജെ.പിയെ കടന്നാക്രമിച്ച്​ കർണാടക മുഖ്യമന്ത്രി എച്ച്​.ഡി കുമാരസ്വാമി. വർഷങ്ങൾ കഴിഞ്ഞിട്ടും രാമക്ഷേത്രം പണിയാത്ത ബി.ജെ.പി നിലപാടിനെയാണ്​ കുമാരസ്വാമി നിയമസഭയിൽ ചോദ്യം ചെയ്​തത്​. പദയാത്ര നടത്തി രാമ​ക്ഷേത്രം പണിയുമെന്ന്​ ബി.ജെ.പി പറയും. എന്നിട്ട്​ കല്ലുകളും പണവും ശേഖരിക്കും. പിന്നീട്​ കല്ലുകൾ വലിച്ചെറിഞ്ഞ്​ പണം ബി.ജെ.പി നേതാക്കൾ സ്വന്തം പോക്കറ്റിലാക്കുമെന്നും​ കുമാരസ്വാമി പറഞ്ഞു.

1999ന്​ ശേഷം രണ്ട്​ തവണ ബി.ജെ.പി അധികാരത്തിലെത്തിയിട്ടുണ്ട്​. രണ്ട്​ തവണയും രാമക്ഷേത്രം നിർമിക്കുന്നതിനുള്ള ഒരു പ്രവർത്തനവും അവരിൽ നിന്ന്​ ഉണ്ടായില്ലെന്ന്​ കുമാരസ്വാമി ചൂണ്ടിക്കാട്ടി.  എന്നാൽ, 2006ൽ ബി.ജെ.പിയുമായി ജനതാദൾ സഖ്യമുണ്ടാക്കിയതിനെ ഒാർമിപ്പിച്ചായിരുന്നു കുമാരസ്വാമിയുടെ ആരോപണങ്ങൾക്ക്​ കർണാടകയിലെ ബി.ജെ.പി എം.എൽ.സി പ്രതിരോധം തീർത്തത്​.

അതേ സമയം, രാമക്ഷേത്രത്തിനായി ശേഖരിച്ച കല്ലുക​െള സംബന്ധിച്ച പ്രസ്​താവന ആരെയെങ്കിലും വേദനിപ്പിച്ചിട്ടുണ്ടെങ്കിൽ പിൻവലിക്കാൻ തയാറാണ്​. പക്ഷേ ക്ഷേത്ര നിർമാണത്തിനായി പിരിച്ചെടുത്ത പണം എവിടെ പോയെന്ന്​ ബി.ജെ.പി വ്യക്​തമാക്കണമെന്ന്​ കുമാരസ്വാമി ആവശ്യപ്പെട്ടു.