പോസിറ്റിവ്​​ സർട്ടിഫിക്കറ്റ്​ ഇല്ലെങ്കിലും ചികിത്സ തേടാം ​–കേന്ദ്രം

ന്യൂ​ഡ​ൽ​ഹി: കോ​വി​ഡ്​ സം​ശ​യി​ക്കു​ന്ന​​വ​രേ​യും ചി​കി​ത്സ കേ​ന്ദ്ര​ങ്ങ​ളി​ൽ പ്ര​വേ​ശി​പ്പി​ക്കാ​മെ​ന്ന്​ കേ​ന്ദ്ര ആ​രോ​ഗ്യ മ​ന്ത്രാ​ല​യ​ത്തി​െൻറ പു​തു​ക്കി​യ മാ​ർ​ഗ നി​ർ​ദേ​ശം. രോ​ഗ​മു​ണ്ടെ​ന്ന്‌ സം​ശ​യി​ക്ക​പ്പെ​ടു​ന്ന​വ​ർ​ക്ക്‌ പോ​സി​റ്റി​വ്‌ പ​രി​ശോ​ധ​നാ​ഫ​ലം ഇ​ല്ലെ​ങ്കി​ലും കോ​വി​ഡ്​ കെ​യ​ർ സെൻറ​ർ, കോ​വി​ഡ് ഹെ​ൽ​ത്ത് സെൻറ​ർ, കോ​വി​ഡ് ആ​ശു​പ​ത്രി​ക​ൾ തു​ട​ങ്ങി​യ ഇ​ട​ങ്ങ​ളി​ൽ പ്ര​വേ​ശ​നം അ​നു​വ​ദി​ക്ക​ണ​മെ​ന്ന്‌ സം​സ്ഥാ​ന​ങ്ങ​ൾ​ക്ക്‌ അ​യ​ച്ച മാ​ർ​ഗ​നി​ർ​ദേ​ശ​ത്തി​ൽ വ്യ​ക്​​ത​മാ​ക്കു​ന്നു.

പ​രി​ശോ​ധ​നാ​ഫ​ലം ഇ​ല്ലെ​ന്ന് ചൂ​ണ്ടി​ക്കാ​ട്ടി ഒ​രു രോ​ഗി​ക്കും ഓ​ക്‌​സി​ജ​ൻ, മ​റ്റ് അ​ടി​യ​ന്ത​ര മ​രു​ന്ന് തു​ട​ങ്ങി​യ സേ​വ​നം നി​ഷേ​ധി​ക്ക​രു​ത്. രോ​ഗി മ​റ്റു ന​ഗ​ര​ത്തി​ൽ നി​ന്നു​ള്ള ആ​ളാ​ണെ​ങ്കി​ൽ കൂ​ടി സേ​വ​ന​ങ്ങ​ൾ ല​ഭ്യ​മാ​ക്ക​ണം. ആ​ശു​പ​ത്രി സ്ഥി​തി​ചെ​യ്യു​ന്നി​ട​ത്തെ താ​മ​സ​ക്കാ​ര​നെ​ന്ന്‌ തെ​ളി​യി​ക്കു​ന്ന തി​രി​ച്ച​റി​യ​ൽ രേ​ഖ​യി​ല്ലെ​ന്ന കാ​ര​ണ​ത്താ​ലും പ്ര​വേ​ശ​നം നി​ഷേ​ധി​ക്ക​രു​ത്‌. ആ​ശു​പ​ത്രി പ്ര​വേ​ശ​നം ആ​വ​ശ്യ​ക​ത മു​ൻ​നി​ർ​ത്തി​യാ​ക​ണം. ആ​ശു​പ​ത്രി ചി​കി​ത്സ ആ​വ​ശ്യ​മി​ല്ലാ​ത്ത​വ​ർ കി​ട​ക്ക കൈ​യ​ട​ക്കു​ന്ന സ്ഥി​തി​യു​ണ്ടാ​ക​രു​ത്‌.

കേ​ന്ദ്രം നേ​ര​ത്തെ പു​റ​ത്തു​വി​ട്ട പു​തു​ക്കി​യ ഡി​സ്‌​ചാ​ർ​ജ്‌ ന​യ​ത്തി​ന്‌ അ​നു​സൃ​ത​മാ​യി​ട്ടാ​യി​രി​ക്ക​ണം രോ​ഗി​ക​ളെ വി​ട്ട​യ​ക്കു​ന്ന​ത്‌. നേ​രി​യ രോ​ഗ​മു​ള്ള​വ​ർ​ക്ക് കോ​വി​ഡ്​ കെ​യ​ർ സെൻറ​റി​ലും അ​ത്ര​ഗു​രു​ത​ര​മ​ല്ലാ​ത്ത അ​വ​സ്ഥ​യി​ലു​ള്ള​വ​ർ​ക്ക് കോ​വി​ഡ് ഹെ​ൽ​ത്ത് സെൻറ​റി​ലും ചി​കി​ത്സ ന​ൽ​ക​ണം. കോ​വി​ഡ്‌ കെ​യ​ർ സെൻറ​ർ, കോ​വി​ഡ്‌ ഹെ​ൽ​ത്ത്‌ സെൻറ​ർ, കോ​വി​ഡ്‌ ചി​കി​ത്സ​ക്ക്‌ മാ​ത്ര​മാ​യു​ള്ള ആ​ശു​പ​ത്രി എ​ന്നി​ങ്ങ​നെ ത്രി​ത​ല ചി​കി​ത്സ സം​വി​ധാ​നം തു​ട​ര​ണം. ആ​ശു​പ​ത്രി പ്ര​വേ​ശ​നം സം​ബ​ന്ധി​ച്ച പു​തു​ക്കി​യ മാ​ർ​ഗ​നി​ർ​ദേ​ശം മൂ​ന്നു ദി​വ​സ​ങ്ങ​ൾ​ക്ക​കം ന​ട​പ്പാ​ക്കു​ന്ന​തി​ന് ചീ​ഫ്‌ സെ​ക്ര​ട്ട​റി​മാ​ർ​ ആ​വ​ശ്യ​മാ​യ ഉ​ത്ത​ര​വു​ക​ൾ പു​റ​പ്പെ​ടു​വി​ക്ക​ണ​മെ​ന്നും​ കേ​ന്ദ്രം നി​ർ​ദേ​ശം ന​ൽ​കി.