ബാങ്കോക്ക് സ്ഫോടന കേസ്: മൂന്നു പേര്‍ പിടിയില്‍

ക്വാലാലംപൂര്‍:  ബാങ്കോക്ക് സ്ഫോടനവുമായി ബന്ധപ്പെട്ട് പാകിസ്താനിയടക്കം മൂന്നുപേര്‍ മലേഷ്യന്‍ പൊലീസിന്‍െറ പിടിയിലായി. മറ്റു രണ്ടുപേര്‍ മലേഷ്യന്‍ സ്വദേശികളാണ്. ഇവരെ ഇതുവരെ തായ് പൊലീസിന് കൈമാറിയിട്ടില്ല. കേസുമായി ബന്ധപ്പെട്ട് കഴിഞ്ഞമാസം തായ് അധികൃതര്‍ രണ്ടുപേരെ അറസ്റ്റ് ചെയ്തിരുന്നു. ഇവരിലൊരാള്‍ ബംഗ്ളാദേശ് സ്വദേശിയായതിനാല്‍ പൊലീസ് അവിടുത്തെ പൊലീസിന്‍െറ സഹായം തേടിയിട്ടുണ്ട്. ആഗസ്റ്റ് 17ന് തായ്ലന്‍ഡിലെ ബ്രഹ്മക്ഷേത്രത്തിലുണ്ടായ സ്ഫോടനത്തില്‍ 20 പേര്‍ കൊല്ലപ്പെട്ടിരുന്നു.