ഭൂപതിവ് ചട്ട നിയമം ഭേദഗതി ചെയ്യാന്‍ ആവശ്യപ്പെട്ടില്ലെന്ന്‌ ഇടുക്കി ഡി.സി.സി

തൊടുപുഴ: ഭൂപതിവ് ചട്ട നിയമം ഭേദഗതി ചെയ്യാന്‍ ഇടുക്കി ഡി.സി.സി ആവശ്യപ്പെട്ടെന്ന റവന്യു മന്ത്രി അടൂര്‍ പ്രകാശിന്‍െറ പ്രസ്താവന തള്ളി പ്രസിഡന്‍റ് റോയ് കെ. പൗലോസ് രംഗത്ത്. നിയമം ഭേദഗതി ചെയ്യാന്‍ ഡി.സി.സി ആവശ്യപ്പെട്ടില്ളെന്ന് റോയ് കെ. പൗലോസ് മാധ്യമങ്ങളോട് പറഞ്ഞു. റവന്യു മന്ത്രി അങ്ങനെ പറയാന്‍ സാധ്യതയില്ളെന്നും അദ്ദേഹം വ്യക്തമാക്കി.

ഭൂപതിവ് ചട്ട നിയമം ഭേദഗതി ചെയ്യാന്‍ സംസ്ഥാന സര്‍ക്കാറിനോട് ആവശ്യപ്പെട്ടില്ളെന്ന് ഹൈറേഞ്ച് സംരക്ഷണസമിതിയും അറിയിച്ചു.

ഭൂപതിവ് ചട്ട നിയമം ഭേദഗതി ചെയ്ത് ജൂണ്‍ ഒന്നിന് പുറത്തിറക്കിയ ഉത്തരവ് സംസ്ഥാന സര്‍ക്കാറിനെതിരെ വലിയ പ്രതിഷേധത്തിന് വഴിവെച്ചിരുന്നു. ഭേദഗതിക്കെതിരെ വി.ഡി സതീശന്‍ അടക്കമുള്ള കോണ്‍ഗ്രസ് നേതാക്കളും രംഗത്ത് എത്തിയിരുന്നു. ഈ സാഹചര്യത്തിലാണ് ഉത്തരവ് പിന്‍വലിക്കുന്നതായി മന്ത്രി അടൂര്‍ പ്രകാശ് അറിയിച്ചത്.