പുരസ്കാരം പ്രചോദനമെന്ന് നിവിന്‍ പോളി

കൊച്ചി: മികച്ച നടനുള്ള സംസ്ഥാന ചലച്ചിത്ര പുരസ്കാരം ലഭിച്ചത് പ്രചോദനമാണെന്ന് നിവിന്‍ പോളി. നല്ല സിനിമകള്‍ ചെയ്യുകയാണ് ലക്ഷ്യം. പുരസ്കാരം ലഭിക്കുമെന്ന് പ്രതീക്ഷിച്ചിരുന്നില്ല. ജീവിതത്തിലെ ഏറ്റവും ടഫ് കഥാപാത്രമായിരുന്നു 1983ലേത്. സിനിമകള്‍ക്ക് ലഭിച്ച അംഗീകാരങ്ങള്‍ അതിന്‍െറ സംവിധായകര്‍ക്കുള്ളതാണ്. സംവിധായകരായ എബ്രിഡ് ഷൈനും അഞ്ജലി മേനോനും പുരസ്കാരം സമര്‍പ്പിക്കുന്നതായും നിവിന്‍ മാധ്യമങ്ങളോട് പറഞ്ഞു.