കോടതി തീരുമാനം അംഗീകരിക്കും -കെ.സി. ജോസഫ്

ആലുവ: തദ്ദേശസ്വയംഭരണ സ്ഥാപന തെരഞ്ഞെടുപ്പുമായി ബന്ധപ്പെട്ട പഞ്ചായത്ത് പുനര്‍വിഭജനത്തിന്‍െറ കാര്യത്തില്‍ കോടതിയുടെ തിരുമാനം എന്തായാലും അംഗീകരിക്കുമെന്ന് മന്ത്രി കെ.സി. ജോസഫ്. ആലുവ പാലസില്‍ മുഖ്യമന്ത്രിയും മന്ത്രിമാരും അഡ്വ. ജനറലിന്‍െറ സാന്നിധ്യത്തില്‍ നടത്തിയ ചര്‍ച്ചക്കുശേഷം മാധ്യമപ്രവര്‍ത്തകരോട് സംസാരിക്കുകയായിരുന്നു അദ്ദേഹം. 

‘പന്ത് ഇപ്പോള്‍ കോടതിയുടെ കോര്‍ട്ടിലാണ്. പുതിയ വാര്‍ഡ് വിഭജനം നടപ്പിലാക്കുകയെന്ന സര്‍ക്കാര്‍ നിലപാടില്‍ മാറ്റമില്ല. എന്നാല്‍, കോടതി പറയുന്നത് എന്തായാലും  അംഗീകരിക്കും’ -കെ.സി. ജോസഫ് പറഞ്ഞു. മന്ത്രിമാരായ വി.എസ്. ശിവകുമാര്‍, എം.കെ. മുനീര്‍ എന്നിവരും പാലസില്‍ ചര്‍ച്ചയില്‍ പങ്കെടുത്തു.