പി.സി ജോര്‍ജ് പറഞ്ഞത് അവഗണിക്കുന്നെന്ന് കെ.എം മാണി

കോട്ടയം: പൊതുപരിപാടിക്കിടെ പി.സി ജോര്‍ജ് എം.എല്‍.എ നടത്തിയ വിമര്‍ശങ്ങള്‍ തള്ളി കേരള കോണ്‍ഗ്രസ് എം ചെയര്‍മാനും മന്ത്രിയുമായ കെ.എം മാണി. പി.സി ജോര്‍ജ് പറഞ്ഞത് അവഗണിക്കുന്നെന്ന് മാണി പറഞ്ഞു. ജോര്‍ജിന്‍െറ സംസാര രീതി എല്ലാവര്‍ക്കും അറിയാവുന്നതല്ളേയെന്നും മാണി ചോദിച്ചു. തനിക്ക് ആരോടും പിണക്കമില്ളെന്നും മാധ്യമ പ്രവര്‍ത്തകരുടെ ചോദ്യത്തിന് മറുപടിയായി അദ്ദേഹം പറഞ്ഞു.

തിടനാട് പഞ്ചായത്ത് കുടുംബശ്രീ വാര്‍ഷികത്തിനിടെ പി.സി.ജോര്‍ജും പഞ്ചായത്ത് പ്രസിഡന്‍റ് ജോര്‍ജ് ജോസഫും തമ്മിലുണ്ടായ വാക്കേറ്റമാണ് കൈയാങ്കളിയില്‍ കലാശിച്ചത്. മന്ത്രിമാരായ കെ.എം. മാണിയും പി.ജെ. ജോസഫും വേദിയിലിരിക്കെയായിരുന്നു സംഭവം. ചടങ്ങില്‍ അധ്യക്ഷനായിരുന്ന പി.സി. ജോര്‍ജ് പ്രസംഗത്തിനിടെ മാണിക്കെതിരെ വിമര്‍ശം ഉന്നയിച്ചതോടെ ജോര്‍ജ് ജോസഫ് മൈക്ക് ഓഫ് ചെയ്തു. ഇതില്‍ പ്രകോപിതനായ പി.സി. ജോര്‍ജ് മൈക്ക് തകര്‍ത്തു. ഇത് മാണിയെ അനുകൂലിക്കുന്നവര്‍ ചോദ്യം ചെയ്തതോടെയാണ് സംഘര്‍ഷമുണ്ടായത്.