സാമുദായിക സംഘടനകള്‍ സമുദായത്തിലെ ധനികര്‍ക്കുവേണ്ടി -വി.എസ്. സുനില്‍കുമാര്‍

തൃശൂര്‍: സാമുദായിക സംഘടനകള്‍ സമുദായത്തിലെ ധനികര്‍ക്ക് വേണ്ടിയാണ് നിലകൊള്ളുന്നതെന്നും അത്തരക്കാര്‍ക്ക് മാത്രമാണ് സംഘടനയുടെ ഗുണം ലഭിക്കുന്നതെന്നും വി.എസ്. സുനില്‍കുമാര്‍ എം.എല്‍.എ. അഖില കേരള എഴുത്തച്ഛന്‍ സമാജം സംസ്ഥാന സമ്മേളനത്തിന്‍െറ ഭാഗമായുള്ള സാംസ്കാരിക സമ്മേളനത്തില്‍ അധ്യാപകരെ ആദരിച്ച് സംസാരിക്കുകയായിരുന്നു അദ്ദേഹം. ഓരോ വിഭാഗത്തിന്‍െറയും പൊതു ഉന്നമനത്തിനാണ് സര്‍ക്കാര്‍ ഇത്തരം സംഘടനകള്‍ക്ക് സ്ഥാപനങ്ങള്‍ അനുവദിക്കുന്നത്. എന്നാല്‍, സംഘടനകള്‍ പണമുണ്ടാക്കാനുള്ള  മാര്‍ഗമായാണ് സ്ഥാപനങ്ങളെ കാണുന്നതെന്ന് അദ്ദേഹം കുറ്റപ്പെടുത്തി. വോട്ട് ലഭിക്കില്ളെന്ന പേടികൊണ്ടാണ് രാഷ്ട്രീയ നേതൃത്വങ്ങള്‍ ഇതൊന്നും തുറന്ന് പറയാത്തതെന്നും സുനില്‍കുമാര്‍ പറഞ്ഞു.