അയോഗ്യത: പി.സി. ജോര്‍ജിനോട് തെളിവെടുപ്പിന് ഹാജരാകണമെന്ന് സ്പീക്കര്‍

തിരുവനന്തപുരം: എം.എല്‍.എ സ്ഥാനത്തുനിന്ന് പി.സി. ജോര്‍ജിനെ അയോഗ്യകനാക്കണമെന്ന കേരള കോണ്‍ഗ്രസ് മാണി വിഭാഗത്തിന്‍െറ ആവശ്യത്തില്‍ നിയമസഭാ സ്പീക്കര്‍ എന്‍. ശക്തന്‍ നടപടി തുടങ്ങി. നടപടിയുടെ ഭാഗമായി തെളിവെടുപ്പിന് ഹാജരാകാന്‍ പി.സി. ജോര്‍ജിനോട് സ്പീക്കര്‍ ആവശ്യപ്പെട്ടു. സെപ്റ്റംബര്‍ ഒന്നിനാണ് തെളിവെടുപ്പ് നടക്കുക.

ജോര്‍ജിനെ കൂറുമാറ്റ നിരോധ നിയമപ്രകാരം എം.എല്‍.എ സ്ഥാനത്തുനിന്ന് അയോഗ്യനാക്കാന്‍ കേരള കോണ്‍ഗ്രസ് മാണിവിഭാഗം തീരുമാനിക്കുകയും ഇക്കാര്യം ചൂണ്ടിക്കാട്ടി പാര്‍ട്ടി വിപ്പ് കൂടിയായ ചീഫ് വിപ്പ് തോമസ് ഉണ്ണിയാടന്‍ സ്പീക്കര്‍ക്ക് കത്ത് നല്‍കുകയും ചെയ്തിരുന്നു. പാര്‍ട്ടിയെ അപമാനിക്കുന്ന തരത്തിലും കൂറുമാറ്റ നിരോധ നിയമ പരിധിയില്‍ വരുന്നതുമായ പ്രവര്‍ത്തനങ്ങളാണ് ജോര്‍ജിന്‍െറ ഭാഗത്തുനിന്ന് തുടര്‍ച്ചയായി ഉണ്ടാകുന്നതെന്നാണ് കത്തില്‍ പറയുന്നത്.