ഇടമലയാര്‍ വനത്തില്‍ കുട്ടിക്കൊമ്പന്‍ ചെരിഞ്ഞ നിലയില്‍

കോതമംഗലം: ഇടമലയാര്‍ വനത്തില്‍ കുട്ടിക്കൊമ്പനെ ചെരിഞ്ഞ നിലയില്‍ കണ്ടത്തെി. ഇടമലയാര്‍  റേഞ്ചിലെ എണ്ണക്കല്‍ ഫോറസ്റ്റ് സ്റ്റേഷന്‍ പരിധിയില്‍ വരുന്ന ഉള്‍വനത്തിലാണ് കുട്ടിക്കൊമ്പന്‍െറ ജഡം  കണ്ടത്തെിയത്. റേഞ്ച് ഓഫിസറുടെ നേതൃത്വത്തിലുള്ള വനപാലക സംഘം പ്രാഥമിക പരിശോധന നടത്തി. പരിശോധനയില്‍ മൂന്നോനാലോ വയസ്സുള്ള ആനയാണെന്നാണ് നിഗമനം.
ചീഫ് ഫോറസ്റ്റ് കണ്‍സര്‍വേറ്ററുടെ നേതൃത്വത്തില്‍ വനപാലകരും ഡോക്ടര്‍മാരും അടങ്ങുന്ന സംഘം സംഭവസ്ഥലത്തേക്ക് തിരിച്ചിട്ടുണ്ട്. ഇടമലയാര്‍ ആനവേട്ടക്കേസ് ചര്‍ച്ചയായതിനാല്‍ വനപാലകര്‍ സംഭവം രഹസ്യമാക്കിയിരിക്കുകയാണ്. മരണകാരണം വ്യക്തമായ ശേഷം വിവരം പുറത്തുവിട്ടാല്‍ മതിയെന്നാണ് ഉന്നത ഉദ്യോഗസ്ഥരുടെ നിര്‍ദേശം.