സി.പി.എമ്മിന്‍റെ ജനസ്വാധീനത്തെ ആര്‍.എസ്.എസിന് ഭയം -പി. ജയരാജന്‍

കണ്ണൂര്‍: സി.പി.എമ്മിന്‍്റെ ജനസ്വാധീനത്തെ ആര്‍.എസ്.എസിന് ഭയമാണെന്ന് സി.പി.എം കണ്ണൂര്‍ ജില്ലാ സെക്രട്ടറി പി. ജയരാജന്‍. അക്രമങ്ങള്‍ക്ക് പിന്നില്‍ ആരെന്ന് ജനങ്ങള്‍ക്ക് അറിയാം. വര്‍ഗീയസംഘര്‍ഷമുണ്ടാക്കാന്‍ ആര്‍.എസ്.എസ് മന$പൂര്‍വം ശ്രമിക്കുകയാണന്നും അദ്ദേഹം പറഞ്ഞു.

വീടുകള്‍ക്ക് നേരെയുള്ള അക്രമങ്ങളോട് തങ്ങള്‍ക്ക് യോജിപ്പില്ല. സി.പി.എമ്മില്‍ നിന്നും ബി.ജെ.പിയിലേക്ക് കൊഴിഞ്ഞുപോക്കുണ്ടെന്ന് പറയുന്നതില്‍ യാഥാര്‍ത്ഥ്യമില്ല. സത്യത്തില്‍ ആര്‍.എസ്.എസില്‍ നിന്നും ബി.ജെ.പിയില്‍ നിന്നും പല നേതാക്കളും സി.പി.എമ്മിലേക്ക് വരികയാണുണ്ടായത്. തെരഞ്ഞെടുപ്പില്‍ തിരിച്ചടി ഭയക്കുന്നതിനാലാണു യു.ഡി.എഫ് ആര്‍.എസ്.എസിനെ സഹായിക്കുന്നതെന്നും ജയരാജന്‍ പറഞ്ഞു.