ശാശ്വതികാനന്ദയുടെ മരണത്തിൽ സൂക്ഷ്മാനന്ദക്കും പങ്കെന്ന് ബിജു രമേശിന്‍റെ മൊഴി

കൊച്ചി: ശിവഗിരി മുൻമഠാധിപതി ശാശ്വതികാനന്ദയുടെ മരണത്തിൽ സ്വാമി സൂക്ഷ്മാനന്ദക്കും പങ്കുണ്ടെന്ന ബിജുരമേശിന്‍റെ മൊഴി മാധ്യമങ്ങൾക്ക് ലഭിച്ചു.  കുളിക്കാൻ പോകുമ്പോൾ സഹായി സാബു സ്വാമിക്ക് പാലിൽ ഇൻസുലിൻ ചേർത്ത് കൊടുത്തിരുന്നു. സൂക്ഷ്മാനന്ദയാണ് സാബുവിനെ സംരക്ഷിക്കുന്നത്. നുണ പരിശോധനയിൽ നിന്നും സാബുവിനെ ഒഴിവാക്കാൻ ഉന്നത ഉദ്യോഗസ്ഥരെ സ്വാധീനിക്കാൻ സൂക്ഷ്മാനന്ദ ശ്രമിച്ചിരുന്നുവെന്നും മൊഴിയിലുണ്ട്.
എസ്.എൻ.ഡി.പി വൈസ് പ്രസിഡന്‍റ് തുഷാർ വെള്ളാപ്പള്ളിയും ശാശ്വതികാനന്ദയും തമ്മിൽ വിദേശത്ത് വെച്ച് തർക്കമുണ്ടായി. എസ്.എൻ ട്രസ്റ്റിന്‍റെ പേരിലുള്ള 40 കോടി രൂപയുടെ പേരിലായിരുന്നു തർക്കം. തുഷാർ സ്വാമിയെ മർദിച്ചുവെന്നും മൊഴിയിൽ പറയുന്നു.

ബിജുരമേശ് ക്രൈംബ്രാഞ്ചിന് നൽകിയ മൊഴി അന്വേഷണ സംഘം ഇന്ന് ഹൈകോടതിയിൽ സമർപ്പിച്ചു.