ചീഫ് അഡ്മിനിസ്ട്രേറ്റീവ് ഒാഫീസ് അടച്ചു പൂട്ടുന്നത് അറിയിച്ചിട്ടില്ല -മുഖ്യമന്ത്രി

കൊച്ചി: റെയിൽവേ സോണിന് പകരമായി യു.പി.എ സർക്കാർ കേരളത്തിന് അനുവദിച്ച ചീഫ് അഡ്മിനിസ്ട്രേറ്റീവ് ഒാഫീസ് അടച്ചു പൂട്ടാനുള്ള കേന്ദ്രതീരുമാനം കേരളത്തെ അറിയിച്ചിട്ടില്ലെന്ന് മുഖ്യമന്ത്രി ഉമ്മൻചാണ്ടി. ഡിസംബർ 19ന് കേന്ദ്ര റെയിൽവേ മന്ത്രിയുമായുള്ള കൂടിക്കാഴ്ചയിൽ ഈ വിഷയം ശ്രദ്ധയിൽപ്പെടുത്തുമെന്നും മുഖ്യമന്ത്രി മാധ്യമങ്ങളെ അറിയിച്ചു. ചീഫ് അഡ്മിനിസ്ട്രേറ്റീവ് ഒാഫീസിന്‍റെ പ്രവർത്തനം അവസാനിപ്പിക്കുന്നുവെന്ന മാധ്യമ വാർത്തയോട് പ്രതികരിക്കുകയായിരുന്നു അദ്ദേഹം.