വയനാട്ടില്‍ വീണ്ടും കര്‍ഷക ആത്മഹത്യ

കല്‍പറ്റ: ഒരിടവേളക്കു ശേഷം വയനാട്ടില്‍ നിന്ന് വീണ്ടും കര്‍ഷക ആത്മഹത്യാ വാര്‍ത്തകള്‍. വയനാട്ടിലെ തലപ്പുഴയില്‍ കടബാധ്യത മൂലം കര്‍ഷകന്‍ ജീവനൊടുക്കി. തലപ്പുഴ ചിണ്ടുമ്മല്‍ പുന്നക്കല്‍ വര്‍ക്കി (58) ആണ് വിഷം കഴിച്ച് ആത്മഹത്യ ചെയ്തത്. ഇന്ന് രാവിലെയാണ് വര്‍ക്കിയെ വിഷം കഴിച്ച് മരിച്ച നിലയില്‍ കണ്ടെത്തിയത്.

വര്‍ക്കിക്ക് വിവിധ ബാങ്കുകളിലായി മൂന്നു ലക്ഷത്തോളം കടം ഉണ്ടെന്ന് ബന്ധുക്കള്‍ പറഞ്ഞു. തലപ്പുഴ പൊലീസ് ഇന്‍ക്വസ്റ്റ് തയ്യാറാക്കി. മൃതദേഹം ജില്ലാ ആശുപത്രി മോര്‍ച്ചറിയില്‍ സൂക്ഷിച്ചിരിക്കുകയാണ്. ഭാര്യ മറിയക്കുട്ടി. മക്കള്‍: ഷാജി,ഷിജു,ഷിബു. കഴിഞ്ഞ പത്തു വര്‍ഷത്തിനിടെ 143ഓളം കര്‍ഷകര്‍ ആണ് കടബാധ്യതയും കൃഷിനാശവും മൂലം വയനാട്ടില്‍ ജീവനൊടുക്കിയത്.