പനിക്ക് ചികിത്സ തേടിയ യുവാവ് ദേഹാസ്വാസ്ഥ്യത്തെ തുടർന്ന് മരിച്ചു

പന്തളം: പനിക്ക് ചികിത്സ തേടി തിരികെ പോകവെ ദേഹാസ്വാസ്ഥ്യത്തെ തുടർന്ന് യുവാവ് മരിച്ചു. നൂറനാട് പനയിൽ ജോസ് ഭവനിൽ ജിതിൻ ജോസ് (23) ആണ് മരിച്ചത്. ഇന്ന് രാവിലെ 10.30നാണ് വൈറൽ ഫീവറിനെ തുടർന്ന് ചികിത്സ തേടി ജിതിൻ പന്തളത്തെ സ്വകാര്യ ആശുപത്രിയിൽ എത്തിയത്. തിരികെ പോകവെ ശ്വാസംമുട്ടലും ദേഹാസ്വാസ്ഥ്യവും അനുഭവപ്പെട്ടു. ഉടൻതന്നെ ആശുപത്രിയിൽ എത്തിയെങ്കിലും 11.30ഒാടെ മരണം സംഭവിക്കുകയായിരുന്നു. ചികിത്സ പിഴവാണ് മരണത്തിന് കാരണമെന്ന് ബന്ധുക്കൾ ആരോപിച്ചു.