കേരളം വര്‍ഗീയ ധ്രുവീകരണ ഭീഷണിയില്‍ -ഹൈദരലി തങ്ങള്‍

കോഴിക്കോട്: കേരളം വര്‍ഗീയ ധ്രുവീകരണ ഭീഷണി നേരിടുകയാണെന്ന് മുസ് ലിം ലീഗ് സംസ്ഥാന പ്രസിഡന്‍റ് പാണക്കാട് ഹൈദരലി ശിഹാബ് തങ്ങള്‍. ബി.ജെ.പിയുടെ വര്‍ഗീയ വത്കരണ ശ്രമങ്ങളും അതിനോട് പ്രതികരിക്കുന്നതില്‍ സി.പി.എമ്മിന്‍െറ നയമില്ലായ്മയും സംസ്ഥാനത്തിന്‍െറ പൈതൃകം തകര്‍ക്കുമെന്ന് ആശങ്കയുണ്ടെന്നും ഹൈദരലി തങ്ങള്‍ പറഞ്ഞു. മുസ് ലിം യൂത്ത് ലീഗ് സംസ്ഥാന നേതൃസംഗമം ടാഗോര്‍ സെന്‍റിനറി ഹാളില്‍ ഉദ്ഘാടനം ചെയ്യുകയായിരുന്നു അദ്ദേഹം.