കോഴിക്കോട് ചേമഞ്ചേരിയില്‍ വീട്ടില്‍ നിര്‍ത്തിയിട്ട ബൈക്ക് കത്തിച്ചു

കോഴിക്കോട്: ചേമഞ്ചേരി കണ്ണങ്കടവില്‍ വീട്ടില്‍ നിര്‍ത്തിയിട്ടിരുന്ന ബൈക്ക് അജ്ഞാതര്‍ കത്തിച്ചു. സാമൂഹിക പ്രവര്‍ത്തകനായ ഇസ്മായില്‍ കണ്ണങ്കടവിന്‍െറ ബൈക്കാണ് ശനിയാഴ്ച അര്‍ധരാത്രി തീകത്തുന്ന നിലയില്‍ കണ്ടത്. തീ കത്തുന്നത് അതുവഴി ബൈക്കില്‍ പോയവരുടെ ശ്രദ്ധയില്‍ പെടുകയായിരുന്നു. ഉടന്‍ അവര്‍ ഗേറ്റ് ചാടിക്കടന്ന് വീട്ടുകാരെ വിവരം അറിയിക്കുകയും തീകെടുത്തുകയുമായിരുന്നു. പെട്രോള്‍ ടാങ്കിലേക്ക് പടരുന്നതിന് മുമ്പ് തീ അണച്ചതിനാല്‍ വന്‍ അപകടം ഒഴിവായി. വീട്ടുകാരുടെ പരാതിയുടെ തുടര്‍ന്ന് കൊയിലാണ്ടി പൊലീസ് സ്ഥലത്തെത്തി അന്വേഷണം ആരംഭിച്ചു.