മൂന്നാറില്‍ സ്ത്രീ തൊഴിലാളികള്‍ക്ക് കല്ലേറ്; സംഘര്‍ഷം

മൂന്നാര്‍: മൂന്നാറില്‍ തോട്ടം തൊഴിലാളി സമരത്തിനിടെ സംഘര്‍ഷം. സമരം ചെയ്യുന്ന സ്ത്രീ തൊഴിലാളികള്‍ക്ക് നേരെ കല്ളേറുണ്ടായി. കല്ളേറില്‍ മാധ്യമപ്രവര്‍ത്തകര്‍ക്കും പോലീസുകാര്‍ക്കും പരിക്കേറ്റു.  ഇതത്തേുടര്‍ന്ന് പോലീസ് ലാത്തിവീശി. മൂന്നാറില്‍ ട്രേഡ് യൂനിയനുകളും പെമ്പിള ഒരുമൈ പ്രവര്‍ത്തകരും വെവ്വേറെയാണ് സമരം നടത്തുന്നത്.

രാവിലെ സ്ത്രീകളുടെ സമര സ്ഥലത്തേക്ക്  ട്രേഡ് യൂണിയന്‍ പ്രവര്‍ത്തകര്‍ തളളിക്കയറാന്‍ ശ്രമിച്ചതാണ് സംഘര്‍ഷത്തിന് തുടക്കമായത്. ഒരുമിച്ച് സമരം നടത്താമെന്ന ട്രേഡ് യൂനിയനുകളുടെ അഭ്യര്‍ഥന നിരസിച്ച പെമ്പിള ഒരുമൈ പ്രവര്‍ത്തകര്‍ രാപകല്‍ സമരവുമായി ഒറ്റക്ക് മുന്നോട്ട് പോകുകയായിരുന്നു.