ഉമ്മൻചാണ്ടി തന്നെ നയിക്കണം; പ്രശ്നത്തിൽ ഇടപെട്ട് ലീഗ്

തിരുവനന്തപുരം: കോൺഗ്രസ് സ്ഥാനാർഥി നിർണയവുമായി ബന്ധപ്പെട്ട് നടക്കുന്ന തർക്കത്തിൽ മുഖ്യമന്ത്രിയെ അനുകൂലിച്ച് ഘടകകക്ഷിയായ മുസ് ലിം ലീഗ് രംഗത്തെത്തി. നിയമസഭാ തെരഞ്ഞെടുപ്പിൽ മുന്നണിയെ ഉമ്മൻ ചാണ്ടി തന്നെ നയിക്കണമെന്നും അദ്ദേഹത്തെ മാറ്റരുതെന്നും മുസ്‌ലിം ലീഗ് കോൺഗ്രസ് കേന്ദ്ര നേതൃത്വത്തോട് ആവശ്യപ്പെട്ടു. പ്രശ്ന പരിഹാരത്തിന് വിട്ടുവീഴ്ച ചെയ്യാൻ മുഖ്യമന്ത്രി തയാറാകണമെന്നും ലീഗ് ആവശ്യപ്പെട്ടു.

മുസ്‌ലിം ലീഗ് സംസ്ഥാന അധ്യക്ഷൻ പാണക്കാട് ഹൈദരലി ശിഹാബ് തങ്ങൾ, മന്ത്രി പി.കെ. കുഞ്ഞാലിക്കുട്ടി എന്നിവരാണ് ലീഗിന്‍റെ അഭിപ്രായം കോൺഗ്രസ് നേതൃത്വത്തെ അറിയിച്ചത്.