ഋഷിരാജ്​ സിങ്ങി​െൻറ പ്രസ്​താവന അരോചകം –ഇ.പി ജയരാജൻ

തിരുവനന്തപുരം: പെൺകുട്ടിയെ 14 സെക്കൻറ്​ നോക്കിയാൽ കേസെടുക്കാമെന്ന ഋഷിരാഷ്​ സിങ്ങി​െൻറ പ്രസ്​താവന ജനങ്ങൾക്ക്​ അരോചകമായി തോന്നുമെന്ന്​ മ​ന്ത്രി ഇ.പി ജയരാജൻ. ഇക്കാര്യം വകുപ്പ്​ മന്ത്രിയുടെ ശ്രദ്ധയിൽ പെടുത്തുമെന്നും സിങി​െൻറ നിലപാട്​ നിയമപരമല്ലെങ്കിൽ തിരുത്താൻ നടപടിയെടുക്കുമെന്നും ഇ.പി ജയരാജൻ മാധ്യമ പ്രവർത്തകരോട്​ പറഞ്ഞു.

കഴിഞ്ഞ ദിവസം കൊച്ചിയിൽ സി.എ വിദ്യാർഥികളുടെ സംഘടനയായ സികാസ സംഘടിപ്പിച്ച സാംസ്​കാരികോത്സവ പരിപാടിയിലാണ്​ ഋഷിരാഷ്​ സിങ്​ വിവാദ പ്രസ്​താവന നടത്തിയത്​. ആത്മരക്ഷക്ക് കളരിപ്പയറ്റ് പോലുള്ള ആയോധനകലകളും പെണ്‍കുട്ടികള്‍ ശീലിക്കുകയും ഇത് പാഠ്യപദ്ധതിയില്‍ നിര്‍ബന്ധമാക്കുകയും ചെയ്യണം. ആത്മരക്ഷക്കുള്ള എല്ലാ തന്ത്രങ്ങളും പഠിച്ച ശേഷമായിരിക്കണം എന്‍ജിനീയറിങ് അടക്കമുള്ള ബിരുദങ്ങള്‍ വേണ്ടത്​. സ്ത്രീകള്‍തന്നെ വിചാരിച്ചാലേ അവര്‍ക്ക് ആയുധമില്ലാതെ പുറത്തിറങ്ങി നടക്കാന്‍ പറ്റുന്ന കാലമുണ്ടാവുമെന്നും ഒരാള്‍ 14 സെക്കന്‍ഡിലധികം ഒരു  സ്ത്രീയെ നോക്കുകയാണെങ്കില്‍ സ്ത്രീക്ക് പരാതിയുണ്ടെങ്കില്‍ കേസെടുക്കാന്‍ നിയമമുണ്ടെന്നുമാണ്​ ഋഷിരാഷ്​ സിങ്​ പറഞ്ഞത്​.