നടൻ ആസിഫലിയുടെ വീട് കോടിയേരി സന്ദർശിച്ചു

തൊടുപുഴ: ചൊവ്വാഴ്ച ആക്രമണം നടന്ന നടൻ ആസിഫലിയുടെ വീട് സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണൻ സന്ദർശിച്ചു. ഉച്ചക്ക് മൂന്നുമണിയോടെയാണ് അദ്ദേഹം തൊടുപുഴയിലെ വീട്ടിലെത്തിയത്.

ആസിഫലിയുടെ പിതാവ് ഷൗക്കത്തലി, സഹോദരൻ അഷ്കറലി എന്നിവരോട് വിവരങ്ങൾ ചോദിച്ചറിഞ്ഞ കോടിയേരി കല്ലേറുണ്ടായ മുറിയും സന്ദർശിച്ചു. ആക്രമണത്തിന് പിന്നിൽ പ്രവർത്തിച്ചവർക്കെതിരെ കർശന നടപടി സ്വീകരിക്കണമെന്ന് കോടിയേരി ആവശ്യപ്പെട്ടു.

സി.പി.എമ്മുക്കാരെ സംസ്ഥാനത്തുടനീളം ആർ.എസ്.എസും മുസ് ലിം ലീഗും വേട്ടയാടുകയാണ്. എന്നാൽ, സി.പി.എം പ്രവർത്തകർ പ്രകോപിതരാകരുതെന്നും കോടിയേരി പറഞ്ഞു.