ചെന്നിത്തല ലിഫ്റ്റിൽ കുടുങ്ങി; ഫയർഫോഴ്സെത്തി രക്ഷപെടുത്തി

കണ്ണൂര്‍: പ്രതിപക്ഷ നേതാവ് രമേശ് ചെന്നിത്തല കാസര്‍കോട് ജില്ലാ ബാങ്കിന്‍റെ ലിഫ്റ്റില്‍ കുടുങ്ങി. ജില്ലാ കോണ്‍ഗ്രസ് കമ്മിറ്റിയുടെ സ്വീകരണ യോഗത്തില്‍ പങ്കെടുക്കാനെത്തിയതായിരുന്നു അദ്ദേഹം. അരമണിക്കൂറോളം ലിഫ്റ്റില്‍ കുടുങ്ങിയ ചെന്നിത്തലയെ ഫയര്‍ഫോഴ്‌സ് എത്തിയാണ് രക്ഷിച്ചത്.

യോഗത്തില്‍ പങ്കെടുക്കാന്‍ മുകള്‍ നിലയിലുള്ള ഓഡിറ്റോറിയത്തിലെത്താന്‍ ലിഫ്റ്റില്‍ കയറി നിമിഷങ്ങള്‍ക്കകം വൈദ്യുതി നിലക്കുകയും അദ്ദേഹവും നേതാക്കളും ലിഫ്റ്റില്‍ കുടുങ്ങുകയുമായിരുന്നു. ചെന്നിത്തലക്കൊപ്പം മുന്‍ എം.എൽ.എ കെ.പി.കുഞ്ഞിക്കണ്ണന്‍ ഡി.സി.സി സെക്രട്ടറി സി.കെ.ശ്രീധരന്‍, പി.എ അഷ്‌റഫലി തുടങ്ങിവരും ഉണ്ടായിരുന്നു.