കോലീബി മോഡൽ നടപ്പാക്കാനാണ് ഉമ്മൻചാണ്ടിയുടെ ശ്രമം -പിണറായി

കണ്ണൂർ: കേരളത്തിൽ കോലീബി മോഡൽ നടപ്പാക്കാനാണ് ഉമ്മൻ ചാണ്ടിയുടെ ശ്രമമെന്ന് സി.പി.എം പോളിറ്റ് ബ്യൂറോ അംഗം പിണറായി വിജയൻ. യു.ഡി.എഫും ബി.ജെ.പിയും തമ്മിലാണ് മത്സരമെന്ന് എന്തടിസ്ഥാനത്തിലാണ് ഉമ്മൻചാണ്ടി പറഞ്ഞതെന്നും പിണറായി ചോദിച്ചു.

കേരളത്തിൽ ബി.ജെ.പി ജയിക്കാനുള്ള സാധ്യതയില്ല. ആന്‍റണിയടക്കമുള്ളവർ ഈ സാധ്യത തള്ളിക്കളഞ്ഞതാണ്. എന്നാൽ ഉമ്മൻചാണ്ടിയുടെ അജണ്ടയുടെ ഭാഗമായാണ് ഇത്തരം പ്രസ്താവനയെന്നും പിണറായി വ്യക്തമാക്കി.

ബി.ജെ.പി വലിയ തോതിൽ കേന്ദ്രീകരിച്ച മണ്ഡലങ്ങളിലെല്ലാം എൽ.ഡി.എഫാണ് മുന്നിൽ. അവിടെയെല്ലാം എൽ.ഡി.എഫ് ജയിക്കുമെന്ന് ഉമ്മൻചാണ്ടിക്കും അറിയാം. ഈ അജണ്ട കേരളത്തിലെ ജനങ്ങൾക്ക് മനസിലായിട്ടുണ്ടെന്നും അദ്ദേഹം പറഞ്ഞു.