പാലക്കാട് കിടക്ക നിർമാണ യൂണിറ്റിന് തീപിടിച്ചു

പാലക്കാട്: പനമണ്ണയിൽ സ്വകാര്യ കിടക്ക നിർമാണ യൂണിറ്റിന് തീപിടിച്ചു. വൈകിട്ട് അഞ്ചു മണിയോടെ നടന്ന അപകടത്തിൽ ആളപായമില്ല. തീ അണയ്ക്കാനുള്ള ശ്രമങ്ങൾ അഗ്നിശമന സേനയുടെ നേതൃത്വത്തിൽ പുരോഗമിക്കുന്നു.

പാലപ്പുറത്ത് അര ഏക്കർ സ്ഥലത്ത് മെറ്റൽ ക്ഷീറ്റ് കൊണ്ടു നിർമിച്ച കെട്ടിടത്തിലാണ് തീപിടിത്തമുണ്ടായത്. അപകട സമയത്ത് 15 തൊഴിലാളികൾ കെട്ടിടത്തിനുള്ളിൽ ഉണ്ടായിരുന്നു. ഇവർ പരിക്കേൽക്കാതെ രക്ഷപ്പെട്ടു.