നിപ ബാധിച്ച്​ 21 പേർ മരിച്ചെന്ന്​ ബ്രിട്ടീഷ്​ മെഡിക്കൽ ജേണൽ

തിരുവനന്തപുരം: കോഴിക്കോട്​, മലപ്പുറം ജില്ലകളിലുണ്ടായ നിപ വൈറസ് 23 പേരെ​ ബാധിച്ചെന്നും അതില്‍ 21പേര്‍ മരി​െച്ചന്നും അന്താരാഷ്​ട്ര പഠനറിപ്പോര്‍ട്ട്. 18 പേര്‍ക്കാണ് വൈറസ്​ ബാധയുണ്ടായതെന്നും അതില്‍ 16 പേര്‍ മരി​െച്ചന്നുമായിരുന്നു ആരോഗ്യവകുപ്പ് വെളിപ്പെടുത്തിയിരുന്നത്. ലാബ്​ സ്​ഥിരീകരണത്തിനുമുമ്പ്​ രോഗലക്ഷണങ്ങളോടെ മരിച്ച അഞ്ചുപേരെക്കൂടി ചേർത്തതിനെതുടർന്നാണ്​ പഠനത്തിൽ മരണസംഖ്യ ഉയർന്നത്​.

ആരോഗ്യവകുപ്പ് അഡീഷനല്‍ ചീഫ് സെക്രട്ടറി രാജീവ് സദാനന്ദന്‍ കൂടി ഉള്‍പ്പെട്ട പഠനസംഘത്തി​േൻറതാണ്, സർക്കാർ കണക്ക്​ തിരുത്തുന്ന​ റിപ്പോർട്ട്​. ബ്രിട്ടീഷ് മെഡിക്കല്‍ ജേണല്‍, ദി ജേണല്‍ ഓഫ് ഇന്‍ഫെക്​ഷ്യസ് ഡിസീസസ് എന്നിവയിലാണ് റിപ്പോർട്ട്​ പ്രസിദ്ധപ്പെടുത്തിയത്. കോഴിക്കോട് മെഡിക്കല്‍ കോളജിലെ റേഡിയോളജി അസിസ്​റ്റൻറ്​ സുധ മരിച്ചത്​ നിപബാധ മൂലമെന്ന് റിപ്പോര്‍ട്ടില്‍ പറയുന്നു.

എന്നാല്‍, പേരാമ്പ്ര താലൂക്ക് ആശുപത്രിയിലെ സ്​റ്റാഫ് നഴ്‌സ് ലിനി മാത്രമാണ് മരിച്ച ആരോഗ്യപ്രവര്‍ത്തകയെന്നായിരുന്നു ആരോഗ്യവകുപ്പ് വ്യക്തമാക്കിയിരുന്നത്. മരണശേഷം, ലിനിയുടെ ഭർത്താവിന്​ ​േജാലിയും കുടുംബത്തിന്​ സര്‍ക്കാര്‍ സഹായവും നൽകിയിരുന്നു. എന്നാൽ, സുധയുടെ കുടുംബത്തിന് സഹായം നൽകിയതുമില്ല. ​േമയ് 19 നാണ് സുധ മരിച്ചത്, 20ന് ലിനിയും.

നിപ മരണനിരക്ക് 88.9 ശതമാനമെന്നാണ് റിപ്പോര്‍ട്ടില്‍. കോഴിക്കോട് ബേബിമെമ്മോറിയല്‍ ആശുപത്രിയില്‍ എത്തിച്ച സാലിഹ് ആണ് ആദ്യരോഗിയെന്നും രണ്ടാമത്തെ രോഗിയില്‍ തന്നെ നിപ തിരിച്ചറി​െഞ്ഞന്നും ആരോഗ്യവകുപ്പ് അവകാശപ്പെട്ടിരുന്നു. എന്നാൽ, രോഗം തിരിച്ചറിയുന്നതിന് മുമ്പ് കോഴിക്കോട് മെഡിക്കല്‍ കോളജ്, പേരാമ്പ്ര താലൂക്കാശുപത്രി, ബാലുശേരി സര്‍ക്കാര്‍ ആശുപത്രി എന്നിവിടങ്ങളിൽ അഞ്ചുപേര്‍ മരിച്ചതായി റിപ്പോർട്ടിലുണ്ട്​.

ആറാമത്തെ രോഗിയായ സാലിഹില്‍ എത്തിയപ്പോള്‍ മാത്രമാണ് രോഗം തിരിച്ചറിഞ്ഞത്​. ആദ്യം മരിച്ച അഞ്ചുപേരില്‍ രോഗം സംശയിക്കാനായില്ലെന്നത് ആരോഗ്യവകുപ്പി​‍​​െൻറ വീഴ്ചയായാണ്​ റിപ്പോർട്ടിലെ സൂചന. എന്നാൽ, രോഗലക്ഷണങ്ങളോടെ മരിച്ചവരെ കൂടി ചേര്‍ത്തതിനാലാണ് സര്‍ക്കാർകണക്കിനെക്കാള്‍ പഠനറിപ്പോർട്ടിൽ മരണസംഖ്യ കൂടിയതെന്ന്​ ആരോഗ്യവകുപ്പ്​ അഡീഷനൽ ചീഫ്​ സെക്രട്ടറി രാജീവ്​ സദാനന്ദൻ പറഞ്ഞു. അന്താരാഷ്​ട്ര ജേണൽ മാനദണ്ഡം അനുസരിച്ചാണ്​ രോഗലക്ഷണങ്ങളോടെ മരിച്ച അഞ്ചുപേരുടെ കണക്ക്​ പഠനത്തില്‍ അധികം ചേര്‍ത്തത്​. സാമ്പിൾ എടുക്കും മുമ്പ് ഇവര്‍ മരിച്ചതായും അദ്ദേഹം പറഞ്ഞു.

വൈറോളജി ശാസ്ത്രജ്ഞൻ അരുണ്‍കുമാര്‍, അമേരിക്കയിലെ സ​​െൻറർ ഫോര്‍ ഡിസീസ് കണ്‍ട്രോള്‍ ആൻഡ്​ പ്രിവന്‍ഷനിലെ കൈല ലാസേഴ്‌സണ്‍, സ​​െൻറര്‍ ഫോര്‍ ഡിസീസ് കണ്‍ട്രോളിലെ കാതറിന്‍, കേന്ദ്ര ആരോഗ്യവകുപ്പ്, ഇന്ത്യന്‍ കൗണ്‍സില്‍ ഓഫ് മെഡിക്കല്‍ റിസര്‍ച്​, പുണെ നാഷനല്‍ ഇൻസ്​റ്റിറ്റ്യൂട്ട് ഓഫ് വൈറോളജി, ചെന്നൈ നാഷനല്‍ ഇൻസ്​റ്റിറ്റ്യൂട്ട് ഓഫ് എപ്പിഡമോളജി, നാഷനല്‍ സ​​െൻറര്‍ ഫോര്‍ ഡിസീസ് കണ്‍ട്രോള്‍, ഡ്രഗ് കണ്‍ട്രോള്‍ ജനറല്‍ ഓഫ് ഇന്ത്യ, കോഴിക്കോട് മെഡിക്കല്‍ കോളജ് തുടങ്ങി 15 ഒാളം സ്ഥാപനങ്ങളിലെ ഗവേഷകരാണ്​​ പഠനറിപ്പോർട്ട്​ തയാറാക്കിയത്​.

കണക്കിലുറച്ച്​ മന്ത്രി; മരണം16 മാത്രം

തിരുവനന്തപുരം: സർക്കാർ കണക്കിലുറച്ച്​ മന്ത്രി കെ.കെ. ശൈലജ. 16 മരണം മാത്രമേ നിപ ബാധിച്ചെന്ന്​ ഉറപ്പിച്ചുപറയാനാകൂവെന്നും ബാക്കിയുള്ളവരുടേത്​ സംശയാസ്പദമെന്നേ പറയാനാകൂവെന്നും മന്ത്രി അറിയിച്ചു.

18 കേസുകളാണ് ലാബില്‍ സ്ഥിരീകരിച്ചത്. സാലിഹി​​​െൻറ മരണത്തോടെയാണ് നിപയാണെന്ന് ഉറപ്പിച്ചത്. മുന്നൂറില്‍പരം കേസുകളിലാണ് സാമ്പിൾ വൈറോളജി ലാബിലേക്ക് അയച്ചത്. രോഗലക്ഷണം കാണിച്ച അഞ്ചെണ്ണവും നിപ തന്നെയായിരിക്കാം. പക്ഷേ, അത് നിപ മരണം ആണെന്ന് ഉറപ്പിച്ചുപറയാനായിട്ടില്ല. പരിശോധനഫലം അനുസരിച്ചേ രോഗം സ്ഥിരീകരിക്കാനാകൂവെന്നും മന്ത്രി പറഞ്ഞു.