ബ്രി​േട്ടായുടെ ഒാർമയിൽ​ അഭിമന്യുവി​െൻറ ഗ്രാമം

വട്ടവട (ഇടുക്കി): മഹാരാജാസ്​ കാമ്പസിൽ ഇൗയിടെ കൊല്ലപ്പെട്ട അഭിമന്യുവുമായി സൈമൺ ബ്രി​േട്ടാ പുലർത്തിയിരുന്നത ്​ അതിവൈകാരിക ബന്ധം. ജീവിക്കുന്ന രക്തസാക്ഷിയായിരുന്ന സൈമൺ ബ്രി​േട്ടായുടെ സന്തത സഹചാരിയാകുകയായിരുന്നു ഇടുക് കി വട്ടവടയിൽനിന്ന്​ മഹാരാജാസിൽ പഠിക്കാനെത്തിയ അഭിമന്യു. അഭിമന്യു കൊല്ലപ്പെട്ട ശേഷം വാഹനമെത്താത്ത ഗ്രാമവീഥ ിയിലൂടെ വീൽചെയറിൽ വട്ടവടയിലെ വീട്ടിൽ എത്തിയ അദ്ദേഹം വല്ലാത്ത വൈകാരിക ബന്ധമാണ് അഭിമന്യുവുമായി ഉണ്ടായിരുന്നതെന്ന് വ്യക്തമാക്കുകയും ചെയ്​തു. ‘‘

പ്രിയപ്പെട്ടവനായിരുന്നു അവൻ. എറണാകുളത്തെ വീട്ടിലെത്തിയാൽ ഒരംഗത്തെ പോലെയായിരുന്നു. ഫിസിയോതെറപ്പി ചെയ്ത്​ നൽകിയിരുന്നതും കിടക്കയില്‍നിന്ന്​ പൊക്കിയിരുത്തുന്നതും എല്ലാം അഭിമന്യുവായിരുന്നു. ഞാന്‍ തയാറാക്കുന്ന 1800 പേജോളം വരുന്ന യാത്രാവിവരണത്തിൽ കൂടുതലും എഴുതിയതും അവനായിരുന്നു. തന്നോടൊപ്പം കിടന്നുറങ്ങും. വീല്‍ചെയര്‍ തള്ളി സഹായിക്കും. വീട്ടില്‍ എത്തിയാല്‍ എ​​​െൻറ മുഴുവന്‍ കാര്യങ്ങളും ചെയ്തിരുന്നത് അവനാണ്​. കുടുംബത്തിലെ ഒരംഗം തന്നെയായിരുന്നു അവൻ’’. വട്ടവടയിലെത്തിയ സൈമണ്‍ ബ്രിട്ടോയുടെ വാക്കുകൾ ഇങ്ങനെയായിരുന്നു. കോളജ് മതിലിലെ ചുവരെഴുത്തിനെച്ചൊല്ലി ഉണ്ടായ തർക്കമാണ്​ കത്തിക്കുത്തിൽ കലാശിച്ചതും രണ്ടാം വർഷ കെമിസ്ട്രി ബിരുദ വിദ്യാർഥിയായിരുന്ന അഭിമന്യുവി​​​െൻറ ജീവനെടുത്തതും.

അഭിമന്യുവിന് എത്രത്തോളം പ്രിയപ്പെട്ടവനായിരുന്നോ അതുപോലെ തന്നെയായിരുന്നു സൈമൺ ബ്രിട്ടോ തങ്ങൾക്കുമെന്ന് മരണവാർത്തയറിഞ്ഞ്​ അഭിമന്യുവി​​​െൻറ പിതാവ് മനോഹരൻ പറഞ്ഞു. മകൻ അവധിക്ക്​ വീട്ടിലെത്തു​േമ്പാൾ എപ്പോഴും അദ്ദേഹത്തെപ്പറ്റി പറയുമായിരുന്നു. പലവട്ടം സൈമൺ ബ്രിട്ടോയെ വീട്ടിലേക്ക് വിളിച്ചിരുന്നു. എന്നാൽ, മക​​​െൻറ മരണത്തിനുശേഷമാണ് നേരിൽ കാണാൻ കഴിഞ്ഞത്. മക​​​െൻറ മരണശേഷം നിരന്തരം വീട്ടിലേക്ക് ഫോണിൽ ബന്ധപ്പെടുകയും പിന്നീട്​ നേരിട്ട്​ വിവരങ്ങൾ തിരക്കാനുമെത്തി. മകൾ കൗസല്യയുടെ വിവാഹത്തിന് ഒരാഴ്ച മുമ്പ് അദ്ദേഹം വീട്ടിലെത്തി വസ്ത്രവും പണവും നൽകിയാണ് മടങ്ങിയതെന്നും മനോഹരൻ പറഞ്ഞു.