കോഴിക്കോട് തൊണ്ടയാട്​ ജങ്​ഷനിൽ ബസ്​  തലകീഴായി മറിഞ്ഞ്​ 28 പേർക്ക്​ പരിക്ക്​ VIDEO

കോഴിക്കോട്​: അമിത വേഗതയിൽ വന്ന ബസ്​ തൊണ്ടയാട്​ ജങ്​ഷനിൽ തലകീഴായി മറിഞ്ഞ്​ 28  പേർക്ക്​ പരിക്കേറ്റു. ഒരാളുടേതൊഴികെ മറ്റുള്ളവരുടെ പരിക്ക്​ ഗുരുതരമല്ല. വെള്ളിപറമ്പ്​ സ്വദേശി  ജയരാജ്​ കുമാറാണ്​ (53)​ ഗുരുതര പരിക്കുകളോടെ മെഡിക്കൽ കോളജ്​ ആശുപത്രിയിൽ  ചികിത്സയിലുള്ളത്​. എടവണ്ണപ്പാറ ^കോഴിക്കോട്​ റൂട്ടിലോടുന്ന കെ.എൽ 11 ബിബി ^2260 നമ്പർ  സാൻട്രോ ബസാണ്​ ചൊവ്വാഴ്​ച്ച വൈകീട്ട്​ മൂ​ന്നേമുക്കാലോടെ അപകടത്തിൽപ്പെട്ടത്​. 

കോഴിക്കോടേക്ക്​ വരവെ തൊണ്ടയാട്​ ജങ്​ഷനിലെ സിഗ്​നൽ ലൈറ്റിൽ ചുവപ്പ്​ തെളിയുന്നതിനുള്ള  മുമ്പ്​ കടക്കാൻ അമിത വേഗതയിൽ വരവെ ഇറക്കത്തിൽവെച്ച്​ ബസി​​​​​െൻറ നിയന്ത്രണം നഷ്​ ടമാവുകയായിരുന്നു. തുടർന്ന്​ ബസ്​ ഡിവൈഡറിലെ വിളക്കുകാലിൽ ഇടിക്കുകയും എതിർ  ട്രാക്കിലേക്ക്​ നീങ്ങി റോഡരികിലേക്ക്​ മലക്കം മറിയുകയായിരുന്നു. നെല്ലിക്കോട്​ ശ്രീ വിഷ്​ണു  ക്ഷേത്ര റോഡിലേക്കാണ്​ ബസ്​ മറിഞ്ഞത്​. ഇൗ സമയം ഇതുവഴി നടന്നു​േപായ മധ്യവയസ്​ക്കൻ  നലനാരിഴക്കാണ്​ ബസിനടിയിൽപ്പെടാതെ രക്ഷപ്പെട്ടത്​. 

മെഡിക്കൽ കോളജ്​ ഭാഗത്തേക്കുള്ള റൂട്ടിലെ സിഗ്​നൽ ചുവപ്പായതിനാൽ അപകടസമയം ഇൗ  റോഡിൽ വാഹനങ്ങൾ ഒട്ടും ഇല്ലായിരുന്നു. ഇതാണ്​ വൻ ദുരന്തം ഒഴിവാക്കിയത്​. തൊട്ടു മുമ്പിലെ  ബേക്കറിയുടെ പഴങ്ങളും മറ്റും സൂക്ഷിച്ച പെട്ടികളെല്ലാം ബസിനടിയിലായിപ്പോയി. അപകട  ദൃശ്യംഇൗ ബേക്കറിക്കുമുന്നിലെ സി.സി.ടി.വി കാമറയിൽ പതിഞ്ഞിട്ടുണ്ട്​. അപകടത്തിൽ ബസ്​  പൂർണമായും തകർന്നിട്ടുണ്ട്​. ഒാടിക്കൂടിയ നാട്ടുകാരും പൊലീസുമാണ്​ ബസിനുള്ളിൽ  കുടുങ്ങിയവരെ പുറത്തെടുത്തടുത്ത്​ ആശുപത്രിയിലെത്തിച്ചത്​.

അപകടത്തെതുടർന്ന്​ ആളുകൾ  തടിച്ചുകൂടിയതോടെ അൽപനേരം മെഡിക്കൽ കോളജ്​ റൂട്ടിൽ ഗതാഗതം തടസപ്പെട്ടു. ട്രാഫിക്​  പൊലീസ്​ ക്രെയിൻ കൊണ്ടുവന്നാണ്​ ബസ്​ നിവർത്തിയത്​. ​െഡപ്യൂട്ടി കമീഷണർ പി.ബി. രാജീവ്​,  അസി. കമീഷണർമാരായ ഇ.പി. പൃഥ്വിരാജ്​, പി.കെ. രാജു, എ.കെ. ബാബു, ട്രാഫിക്​ സി.​െഎ ടി.പി.  ശ്രീജിത്ത്​, ചേവായൂർ സി.​െഎ കെ.കെ. ബിജു, മോ​േട്ടാർ വാഹന വകുപ്പ്​ ഉദ്യോഗസ്​ഥർ എന്നിവർ  സ്​ഥലത്തെത്തി. ബസി​​​​​െൻറ അമിത വേഗതയാണ്​ അപകടത്തിനിടയാക്കിയതെന്നും ഇതു പ്രകാരം  ഡ്രൈവർക്കെതിരെ കേസെടുത്തതായും ട്രാഫിക്​ സി.​െഎ ടി.പി. ശ്രീജിത്ത്​ പറഞ്ഞു. 

പരിക്കേറ്റ്​ മെഡിക്കൽ കോളജ്​ ആശുപത്രിയിൽ ചികിത്സയിൽ കഴിയുന്ന മറ്റുള്ളവർ: എൻ.​െഎ.ടി സ്വദേശികളായ സുവർണ (18), വസന്തകുമാർ (45), സജിത (35), ചേവരമ്പലത്തെ ഗാർഗി  (15), മണി (57), സൈതലവി (50), സോണിയ (30), ജൈസൽ കല്ലേരി (35), അബ്​ദുൽ റസാഖ്​ (48),  റിയ ചീക്കിലോട്​ (21), ബിലാൽ കുറ്റ്യാടി (14), മാനസ ചാലപ്പുറം (19), ശാന്തകുമാരി പൊറ്റമ്മൽ (64),  ശാന്ത (48), മണി ചേളന്നൂർ (57), ശ്യാം പേരാ​മ്പ്ര (20), കുട്ടികൃഷ്​ണൻ വെള്ളിപറമ്പ്​ (62), ഷമീറ  പൂവാട്ടുപറമ്പ്​ (22), ബീഫാത്തിമ പൂവാട്ടുപറമ്പ്​ (52), റഹ്​മാൻ (53), രാജേഷ്​ (39), പ്രദീപ്​ (18),  അരുൺ (18), മണികണ്​ഠൻ (35), ഷിജു (38), ശശി (53), ബിഹാർ സ്വദേശികളയ പപ്പു (29), റെജു (36).