അടൂരില്‍നിന്ന് കാണാതായ പെണ്‍കുട്ടികളെ മഹാരാഷ്​ട്രയില്‍ കണ്ടെത്തി

അടൂര്‍: സ്വകാര്യ ആയുര്‍വേദ നഴ്‌സിങ് സ്‌കൂളിലെ ഹോസ്​റ്റലില്‍നിന്ന്​ കാണാതായ മൂന്നു വിദ്യാര്‍ഥിനികളെയും മഹാര ാഷ്​ട്രയില്‍ കണ്ടെത്തി. രത്‌നഗിരി റെയില്‍വേ സ്​റ്റേഷനില്‍ ആര്‍.പി.എഫി​​െൻറ സഹായത്തോടെയാണ് ഇവരെ കണ്ടെത്തിയത്. വ്യാഴാഴ്ച വൈകീട്ട് നാലിനാണ് അടൂരിലെ സ്ഥാപനത്തിൽനിന്ന്​ പെൺകുട്ടികളെ കാണാതായത്. മലപ്പുറം നിലമ്പൂര്‍, പത്തനംത ിട്ട സീതത്തോട്, പുണെ വിജനഗര്‍ എന്നിവിടങ്ങളിലുള്ളവരാണ് പെണ്‍കുട്ടികള്‍. ഇവര്‍ സ്‌കൂളി​​െൻറ ഹോസ്​റ്റലില്‍ താമസിച്ചാണ് പഠിച്ചിരുന്നത്.

കടയില്‍ സാധനങ്ങള്‍ വാങ്ങാനുണ്ടെന്നുപറഞ്ഞ്​ ഹോസ്​റ്റലില്‍നിന്ന് പുറത്തുപോയ മൂവരും തിരികെവന്നില്ലെന്ന്​ ഹോസ്​റ്റല്‍ അധികൃതര്‍ വ്യാഴാഴ്ച രാത്രി ഏഴിനാണ്​ അടൂര്‍ പൊലീസില്‍ പരാതി നല്‍കിയത്.

വെള്ളിയാഴ്ച രാവിലെ ജില്ല പൊലീസ് മേധാവി ജി. ജയദേവ് അടൂര്‍ സ്​റ്റേഷനിലെത്തി വിവരങ്ങള്‍ ആരാഞ്ഞിരുന്നു. പെണ്‍കുട്ടികള്‍ പുണെക്ക് പോകുന്ന ട്രെയിനില്‍ യാത്രചെയ്യുന്നതായി ഡിവൈ.എസ്.പി കെ.എ. തോമസിന്​ വിവരം ലഭിക്കുകയും തുടര്‍ന്ന് ആര്‍.പി.എഫിന് പെണ്‍കുട്ടികളുടെ ചിത്രങ്ങളടങ്ങിയ വിവരങ്ങള്‍ കൈമാറുകയുമായിരുന്നു.

വെള്ളിയാഴ്ച വൈകീട്ടാണ് പെണ്‍കുട്ടികളെ കണ്ടെത്തിയത്. ഇവരോടൊപ്പം രണ്ട് ആണ്‍ സുഹൃത്തുക്കളെയും കണ്ടെത്തിയതായി വിവരം ലഭിച്ചുവെന്ന് പൊലീസ് പറഞ്ഞു. വെള്ളിയാഴ്ച രാത്രി അടൂര്‍ സി.ഐ സുധി ലാലി​​െൻറ നേതൃത്വത്തില്‍ പൊലീസ് സംഘം രഗ്‌നഗിരിയിലേക്ക് തിരിച്ചു.