സമസ്ത-ലീഗ്​ ​​പ്രശ്നപരിഹാരം വേഗത്തിലാക്കാൻ ധാരണ

കോ​ഴി​ക്കോ​ട്​: സ​മ​സ്ത​യി​ലെ ലീ​ഗ്​ അ​നു​കൂ​ല, വി​രു​ദ്ധ ഗ്രൂ​പ്പു​ക​ൾ ത​മ്മി​ലെ പ്ര​ശ്ന​ങ്ങ​ൾ പ്രാ​യോ​ഗി​ക​മാ​യി പ​രി​ഹ​രി​ക്കാ​ൻ ഇ​രു​വി​ഭാ​ഗ​ങ്ങ​ളു​മാ​യു​ള്ള ര​ണ്ടാം​ഘ​ട്ട ച​ർ​ച്ച​യി​ൽ ധാ​ര​ണ. മു​സ്‍ലിം ലീ​ഗ്​ സം​സ്ഥാ​ന അ​ധ്യ​ക്ഷ​ൻ സാ​ദി​ഖ​ലി ത​ങ്ങ​ൾ, പി.​കെ. കു​ഞ്ഞാ​ലി​ക്കു​ട്ടി, സ​മ​സ്ത പ്ര​സി​ഡ​ന്‍റ്​ ജി​ഫ്​​രി ത​ങ്ങ​ൾ, എം.​ടി. അ​ബ്​​ദു​ല്ല മു​സ്​​ലി​യാ​ർ, കൊ​യ്യോ​ട്​ ഉ​മ​ർ മു​സ്​​ലി​യാ​ർ എ​ന്നി​വ​ർ ഇ​രു​വി​ഭാ​ഗ​ങ്ങ​ളു​മാ​യി കോ​ഴി​ക്കോ​ട്​ ഹൈ​സ​ൺ ഹോ​ട്ട​ലി​ൽ ന​ട​ത്തി​യ ച​ർ​ച്ച​യി​ലാ​ണ്​ പ​രി​ഹാ​ര ന​ട​പ​ടി​ക​ൾ​ക്ക്​ വേ​ഗം കൂ​ട്ടാ​ൻ തീ​രു​മാ​നി​ച്ച​ത്. പ​തി​വി​ൽ​നി​ന്ന്​ ഭി​ന്ന​മാ​യി ഇ​രു​വി​ഭാ​ഗ​വും പ​ര​സ്പ​രം കൂ​ടി​യി​രു​ന്ന്​ പ്ര​ശ്ന​ങ്ങ​ൾ പ​രി​ഹ​രി​ക്കാ​നു​ള്ള നി​ർ​ദേ​ശ​ങ്ങ​ളി​ൽ ധാ​ര​ണ​യാ​യ ശേ​ഷം അ​ഞ്ചം​ഗ സ​മി​തി​ക്ക്​ മു​മ്പാ​കെ സ​മ​ർ​പ്പി​ക്കു​ക​യാ​യി​രു​ന്നു.

അ​ബ്​​ദു​സ്സ​മ​ദ്​ പൂ​ക്കോ​ട്ടൂ​ർ, എം.​സി. മാ​യി​ൻ​ഹാ​ജി, മൊ​യ്തീ​ൻ ഫൈ​സി പു​ത്ത​ന​ഴി, മ​ല​യ​മ്മ അ​ബൂ​ബ​ക്ക​ർ ഫൈ​സി, ആ​ർ.​വി. കു​ട്ടി​ഹ​സ​ൻ ദാ​രി​മി, സ​ലീം എ​ട​ക്ക​ര, കാ​ദ​ർ ഫൈ​സി കു​ന്നും​പു​റം തു​ട​ങ്ങി​യ​വ​ർ ലീ​ഗ്​ അ​നു​കൂ​ല ഭാ​ഗ​ത്തു​നി​ന്നും ഹ​മീ​ദ്​ ഫൈ​സി അ​മ്പ​ല​ക്ക​ട​വ്, എ.​എം. ഫ​രീ​ദ്​ എ​റ​ണാ​കു​ളം, സ​ത്താ​ർ പ​ന്ത​ല്ലൂ​ർ, സ​ലാ​ഹു​ദ്ദീ​ൻ ഫൈ​സി വ​ല്ല​പ്പു​ഴ, ഒ.​പി. അ​ഷ്​​റ​ഫ്, ​ഇ​ബ്രാ​ഹിം ഫൈ​സി പേ​രാ​ര്, ടി.​പി.​സി. ത​ങ്ങ​ൾ, സ​ലാം ഫൈ​സി മു​ക്കം, കൊ​ട​ക്​ അ​ബ്​​ദു​റ​ഹ്​​മാ​ൻ ​ഫൈ​സി തു​ട​ങ്ങി​യ​വ​ർ മ​റു​ഭാ​ഗ​ത്തു​നി​ന്നും ച​ർ​ച്ച​യി​ൽ പ​​ങ്കെ​ടു​ത്തു.

സി.​ഐ.​സി പ്ര​ശ്ന​ത്തി​ൽ നേ​ര​ത്തെ സ​മ​സ്ത മു​ശാ​വ​റ മു​ന്നോ​ട്ടു​വെ​ച്ച ഒ​മ്പ​തി​ന നി​ർ​ദേ​ശ​ങ്ങ​ൾ ന​ട​പ്പാ​ക്ക​ണ​​മെ​ന്ന ആ​വ​ശ്യം സ​മി​തി​ക്ക്​ മു​മ്പാ​കെ ഉ​ന്ന​യി​ക്ക​പ്പെ​ട്ടു. ഇ​ത്​ പാ​ലി​ക്കാ​ൻ സി.​ഐ.​സി ത​യാ​റാ​യി​ല്ലെ​ങ്കി​ൽ സാ​ദി​ഖ​ലി ത​ങ്ങ​ൾ സി.​ഐ.​സി ചെ​യ​ർ​മാ​ൻ സ്ഥാ​ന​ത്തു​നി​ന്നും മാ​റി​നി​ൽ​ക്ക​ണ​മെ​ന്ന ആ​വ​ശ്യ​വും മു​ന്നോ​ട്ടു​വെ​ച്ചു. ഇ​ക്കാ​ര്യ​ത്തി​ൽ സി.​ഐ.​സി​യു​മാ​യി ബ​ന്ധ​പ്പെ​ട്ട്​ ന​ട​പ​ടി സ്വീ​ക​രി​ക്കാ​മെ​ന്ന്​ സാ​ദി​ഖ​ലി ത​ങ്ങ​ൾ അ​റി​യി​ച്ചു. സി.​ഐ.​സി ഘ​ട​ന​പ്ര​കാ​ര​മു​ള്ള ന​ട​പ​ടി​ക്ര​മ​ങ്ങ​ൾ പാ​ലി​ച്ച്​ പ​രി​ഹാ​രം വേ​ഗ​ത്തി​ലാ​ക്കു​മെ​ന്നും അ​ദ്ദേ​ഹം പ​റ​ഞ്ഞു.

സു​പ്ര​ഭാ​തം പ​ത്ര​ത്തി​ന്‍റെ സു​പ്ര​ധാ​ന സ്ഥാ​ന​ങ്ങ​ൾ ഒ​രു​വി​ഭാ​ഗം ഏ​ക​പ​ക്ഷീ​യ​മാ​യി കൈ​യ​ട​ക്കി​യ​ത്​ അം​ഗീ​ക​രി​ക്കാ​നാ​വി​ല്ലെ​ന്നും അ​തി​ൽ ഇ​രു​വി​ഭാ​ഗ​ങ്ങ​ളു​ടെ​യും പ​ങ്കാ​ളി​ത്തം ഉ​ണ്ടാ​ക​ണ​മെ​ന്ന നി​ർ​ദേ​ശ​വും സ​മി​തി ച​ർ​ച്ച​ചെ​യ്ത്​ തീ​രു​മാ​നി​ക്കും. ജം​ഇ​യ്യ​തു​ൽ മു​അ​ല്ലി​മീ​ൻ ഭാ​ര​വാ​ഹി​ത്വ​ത്തി​ൽ​നി​ന്നും ഡോ. ​ബ​ഹാ​വു​ദ്ദീ​ൻ ന​ദ്​​വി​യെ മാ​റ്റി​നി​ർ​ത്തി ഏ​ക​പ​ക്ഷീ​യ​മാ​ക്കി​യ​തും സു​ന്നി മ​ഹ​ല്ല്​ ഫെ​ഡ​റേ​ഷ​ന്‍റെ (എ​സ്.​എം.​എ​ഫ്) ക​മ്മി​റ്റി​ക​ളി​ൽ​നി​ന്ന്​ ഒ​രു​വി​ഭാ​ഗ​ത്തെ അ​ക​റ്റി​നി​ർ​ത്തി​യ​തും ച​ർ​ച്ച​യി​ൽ ഉ​ന്ന​യി​ക്ക​പ്പെ​ട്ടു. ക​മ്മി​റ്റി​ക​ളു​ടെ സ​ന്തു​ലി​താ​വ​സ്ഥ നി​ല​നി​ർ​ത്താ​നു​ള്ള നി​ർ​ദേ​ശ​ങ്ങ​ൾ വി​ശ​ദ​മാ​യി ച​ർ​ച്ച​ചെ​യ്ത്​ പ​രി​ഹ​രി​ക്കു​മെ​ന്ന്​ നേ​താ​ക്ക​ൾ വ്യ​ക്ത​മാ​ക്കി.

സ​മ​സ്ത​യു​ടെ നൂ​റാം വാ​ർ​ഷി​ക​വു​മാ​യി ബ​ന്ധ​പ്പെ​ട്ട പ​രി​പാ​ടി​ക​ളി​ലും എ​ല്ലാ​വ​രു​ടെ​യും പ​ങ്കാ​ളി​ത്തം ഉ​റ​പ്പാ​ക്കും. ഇ​തി​ന്‍റെ ഭാ​ഗ​മാ​യി സ​മ​സ്ത അ​ന്താ​രാ​ഷ്ട്ര സ​മ്മേ​ള​ന​ത്തി​ന്‍റെ ഭാ​ഗ​മാ​യു​ള്ള പ്ര​ചാ​ര​ണ സ​മ്മേ​ള​നം എ​ല്ലാ​വ​രെ​യും പ​​ങ്കെ​ടു​പ്പി​ച്ച്​ ന​ട​ത്താ​നും ധാ​ര​ണ​യാ​യി. മു​​ഴു​വ​ൻ പ്ര​ശ്ന​ങ്ങ​ൾ​ക്കും പ​രി​ഹാ​രം കാ​ണു​ന്ന​തി​ന്​ മു​ശാ​വ​റ​യി​ലെ അ​ഞ്ചം​ഗ സ​മി​തി​യെ​ക്കൂ​ടി ഉ​ൾ​പ്പെ​ടു​ത്തി അ​ടു​ത്ത​യാ​ഴ്ച​ വീ​ണ്ടും ച​ർ​ച്ച ന​ട​ത്താ​നും തീ​രു​മാ​നി​ച്ചു.