മുന്നറിയിപ്പ് നേരത്തെ നൽകിയിരുന്നു; മാറ്റിപ്പറഞ്ഞ് കണ്ണന്താനം

തിരുവനന്തപുരം: ‘ഒാഖി’ മുന്നറിയിപ്പ്​ സംബന്ധിച്ച സംസ്​ഥാനവാദം ആദ്യം അംഗീകരിച്ചും പിന്നീട്​ തള്ളിയും കേന്ദ്രമന്ത്രി അൽഫോൺസ്​ കണ്ണന്താനം. തിരുവനന്തപുരം ഉൾപ്പെടെ തെക്കൻ കേരളത്തിൽ ചുഴലിക്കാറ്റ്​ ഉണ്ടാകുമെന്ന അറിയിപ്പ്​ ശരിക്കും കിട്ടിയത്​ നവംബർ 30ന്​ ഉച്ചക്ക്​ 12നാണെന്ന സംസ്​ഥാനവാദമാണ്​ കേന്ദ്രമന്ത്രി അൽഫോൺസ്​ കണ്ണന്താനം ആദ്യം അംഗീകരിച്ചത്​. സംസ്​ഥാനത്ത്​ ഇതുവരെ നടത്തിയ രക്ഷാപ്രവർത്തനങ്ങൾ സംബന്ധിച്ചും തുടർന്നും കൈക്കൊള്ളേണ്ട നടപടികൾ സംബന്ധിച്ചും മുഖ്യമന്ത്രിയുടെ അധ്യക്ഷതയിൽ ചേർന്ന ഉന്നതതലയോഗശേഷം മാധ്യമപ്രവർത്തകരോട്​ സംസാരിച്ചപ്പോഴായിരുന്നു ഇത്​. എന്നാൽ യോഗശേഷം പൂന്തുറ ഉൾപ്പെടെ ദുരന്തമേഖല സന്ദർശിക്കാനെത്തിയ കണ്ണന്താനം മുഖ്യമന്ത്രിക്ക്​ മുന്നിൽ പറഞ്ഞതെല്ലാം അപ്പാടെ വിഴുങ്ങി.

കേന്ദ്ര ഏജൻസികൾ 28ന്​ തന്നെ മുന്നറിയിപ്പ്​ കൊടുത്തിരു​െന്നന്നും അതനുസരിച്ച്​ നടപടി ​എടുക്കേണ്ടിയിരുന്നത്​ സംസ്​ഥാന സർക്കാറാണെന്നുമാണ്​ അവിടെ കണ്ണന്താനം പറഞ്ഞത്​. ചുഴലിക്കാറ്റ്​ സംബന്ധിച്ച മുന്നറിയിപ്പ്​ നവംബർ 30ന്​ ഉച്ചക്ക്​ കിട്ടുന്നതിന്​ മുമ്പ്​ തന്നെ നിരവധി ബോട്ടുകളും വള്ളങ്ങളുമെല്ലാം കടലിലേക്ക്​ പോയിരു​െന്നന്ന്​ ഉന്നതതല യോഗശേഷം കണ്ണന്താനം പറഞ്ഞിരുന്നു. 28, 29 തീയതികളിലും അതിന്​ മുമ്പും കടലിൽ ​പോയവരുണ്ട്​. ഇവർക്കൊക്കെ മുന്നറിയിപ്പ്​ കൊടുക്കാൻ നമുക്ക്​ സാധിച്ചില്ല. കേന്ദ്രത്തി​േൻറതായി ഇവിടെവന്ന സന്ദേശമൊക്കെ താൻ വായിച്ചുനോക്കിയെന്നും ചുഴലിക്കാറ്റ്​ കേരളത്തിൽ ആഞ്ഞടിക്കുമെന്ന ഒരു അറിയിപ്പും അതിലില്ലായിരുന്നെന്നുമാണ്​ കണ്ണന്താനം യോഗശേഷം പറഞ്ഞത്​. എന്നാൽ പൂന്തുറ എത്തിയ കേന്ദ്രമന്ത്രി സംസ്​ഥാന സർക്കാറിനെ പരോക്ഷമായി കുറ്റപ്പെടുത്തി. അടുത്ത 48 മണിക്കൂറിനുള്ളിൽ ശക്​തമായ കാറ്റും മഴയും ഉണ്ടാകാൻ സാധ്യതയുള്ളതിനാൽ മത്സ്യ​െത്താഴിലാളികൾ കടലിൽ പോകരുതെന്ന നിർദേശം കേന്ദ്രം നൽകിയതായും അത്​ ഗൗരവത്തിലെടുക്കാൻ കേരളത്തിന്​ കഴിഞ്ഞില്ലെന്നുമുള്ള കുറ്റ​െപ്പടുത്തലായിരുന്നു കണ്ണന്താനം നടത്തിയത്​. എന്തായാലും ഇപ്പോഴത്തെ സാഹചര്യത്തിൽ കുറ്റപ്പെടുത്തലുകൾക്ക്​ സ്​ഥാനമില്ലെന്നും രക്ഷാപ്രവർത്തനങ്ങൾക്ക്​ നേരിട്ടിറങ്ങേണ്ട സമയമാണെന്നും അദ്ദേഹം പറഞ്ഞു. 

ദേശീയദുരന്തമായി പ്രഖ്യാപിക്കില്ലെന്ന്​ കേന്ദ്രമന്ത്രി
തിരുവനന്തപുരം: ‘ഒാഖി’ ചുഴലിക്കാറ്റും അനുബന്ധമായി സംസ്​ഥാനത്തുണ്ടായ നാശനഷ്​ടങ്ങളും മുൻനിർത്തി​ ദേശീയദുരന്തമായി പ്രഖ്യാപിക്കണമെന്ന കേരളത്തി​​​െൻറ വാദം തള്ളി കേന്ദ്രമന്ത്രി അൽഫോൺസ്​ കണ്ണന്താനം. ദേശീയദുരന്തം എന്നൊരു പദ്ധതി കേന്ദ്രസർക്കാറിന്​ ഇല്ലെന്നും ദുരിതാശ്വാസത്തിന്​ ആവശ്യമായ പണം നൽകാറാണ്​ പതിവെന്നും അദ്ദേഹം പറഞ്ഞു. മുഖ്യമന്ത്രിയുടെ അധ്യക്ഷതയിൽ ചേർന്ന ഉന്നതതല യോഗശേഷം സംസാരിക്കുകയായിരുന്നു അദ്ദേഹം. ഇതുസംബന്ധിച്ച്​ സംസ്​ഥാന സർക്കാറി​​​െൻറയും റവന്യൂ സെക്രട്ടറിയുടെയും നിവേദനം കിട്ടി. പക്ഷേ, ദേശീയദുരന്ത പ്രഖ്യാപനരീതി ഇപ്പോഴില്ല. ദുരിതാശ്വാസത്തിനും മറ്റുമായി ആവശ്യമായ പണം കേന്ദ്രസർക്കാർ സംസ്​ഥാനത്തിന്​ നൽകിയിട്ടുണ്ട്​. കടലിലകപ്പെട്ടവരെ കണ്ടെത്താൻ എയർഫോഴ്​സ്​, നേവി ഉൾപ്പെടെയുള്ളവരുടെ നിരവധി വിമാനങ്ങളും കപ്പലുകളും ഇറക്കിയിട്ടുണ്ടെന്നും അദ്ദേഹം പറഞ്ഞു. 

തെരച്ചിലിന്​ മത്സ്യത്തൊഴിലാളികളെ കൂടി ഉൾപ്പെടുത്തും -മുഖ്യമന്ത്രി
തിരുവനന്തപുരം: ചുഴലിക്കാറ്റിൽ കടലിലകപ്പെട്ടവരെ കണ്ടെത്താൻ മത്സ്യത്തൊഴിലാളികളുടെ സഹായംകൂടി തേടുമെന്ന്​ മുഖ്യമന്ത്രി പിണറായി വിജയൻ. ‘ഒാഖി’ ചുഴലിക്കാറ്റി​​​െൻറ പശ്​ചാത്തലത്തിൽ ചേർന്ന ഉന്നതതല യോഗത്തിനുശേഷം മാധ്യമപ്രവർത്തകരോട്​ സംസാരിക്കുകയായിരുന്നു അദ്ദേഹം. ഉൗർജിതമായ തെരച്ചിലാണ്​ വിവിധ രക്ഷാ ഏജൻസികളുടെ നേതൃത്വത്തിൽ നടന്നുവരുന്നത്​. കഴിഞ്ഞദിവസം മാത്രം ഏതാണ്ട്​ 400ഒാളം പേരെ​ രക്ഷിക്കാനായി. എല്ലാ ഏജൻസികളുടേയും കൂട്ടായ ശ്രമഫലമായാണ് ഇത്​ സാധിച്ചത്​​. അതിൽ കേന്ദ്രമെന്നോ സംസ്​ഥാനമെന്നോ വേർതിരിവില്ലായിരുന്നു. എല്ലാപേരും സഹകരിച്ചും ഏകോപിച്ചും നടത്തിയ ശ്രമമാണ്​. രക്ഷാപ്രവർത്തനം ഇനിയും ജാഗ്രതയോടെ ത​െന്ന തുടരുമെന്നും അതി​​​െൻറ കൂട്ടത്തിൽ മത്സ്യ​െത്താഴിലാളിക​ളെ കൂടെ സഹകരിപ്പിക്കുമെന്നും മുഖ്യമന്ത്രി പറഞ്ഞു.